აქციის „ერთად ევროპისკენ“ ორგანიზატორებმა ევროკავშირის საელჩოში საქართველოს მოქალაქეების მიერ ხელმოწერილი, ევროკავშირის დროშა მიიტანეს და ევროკავშირის ელჩს, კარლ ჰარცელს გადასცეს.
აქციის ერთ-ერთი ორგანიზატორის, ნინო სვანიძის ინფორმაციით, მოქალაქეებმა საკუთარი ხელმოწერით დაადასტურეს, რომ ევროკავშირში გაწევრიანება ჩვენი ქვეყნისთვის აუცილებელია.
„5 ივნისს, კვირას გაიმართა აქცია და რესპუბლიკის მოედანზე გამოიფინა ევროკავშირის უზარმაზარი დროშა, რომელზეც მოქალაქეებმა მოაწერეს ხელი და დაადასტურეს, რომ ევროკავშირი არის აუცილებელი ჩვენი ქვეყნისთვის. შევუთანხმდით ევროკავშირის ელჩს, ბატონ კარლ ჰარცელს და ჩვენი, მოქალაქეების სახელით გადავცემთ ამ დროშას, რომელიც წავა ბრიუსელში”, - აღნიშნა ნინო სვანიძემ.
