გიგი უგულავა - „ქართულმა ოცნებამ“ საკუთარ თავს გამოუტანა განაჩენი

„ქართულმა ოცნებამ“ საკუთარ თავს გამოუტანა განაჩენი, ამ რეზოლუციის მერე, რომ გამოვიდა და თქვა, მთელი ევროპა, თურმე სიბნელეში ცხოვრობს, მათ არაფერი იციან, - ამის შესახებ პოლიტიკოსმა გიგი უგულავამ „პალიტრანიუსის“ გადაცემა „რეზიუმეში“ განაცხადა.

მისი თქმით, „ქართული ოცნება“ ღალატის პარტიაა.

უგულავას შეფასებით, „ქართულმა ოცნებამ“ ყველაფერი გააკეთა იმისთვის, რომ საქართველოს შედეგი არ ჰქონოდა.

„როგორ წარმოგიდგენიათ ხელისუფლება, რომელსაც ამხელა რესურსი აქვს, ევროპარლამენტში ერთი ადამიანი წამლად არ შეიძლება ყოფილიყო, ვინც მათ პოზიციას გააჟღერებდა მაინც, თუ არ დაიცავდა?! რატომ ვუწოდებ მე მოღალატეების და ღალატის პარტიას „ქართულ ოცნებას?“, ახლა დაგვემუქრნენ, რომ 24 ივნისის მერე, ჩანაწერებს გამოვაქვეყნებთო. ამით საერთოდ საკონტროლო გასროლას განახორციელებენ საკუთარ შუბლში, მაგრამ ეს მათი პრობლემაა უკვე. ყოველი სიტყვით, რომელსაც „ქართული ოცნება“ იტყვის, ყოველი მოქმედებით, მხოლოდ და მხოლოდ საკუთარ მდგომარეობას დაიმძიმებენ. „ქართულმა ოცნებამ“ საკუთარ თავს გამოუტანა განაჩენი, ამ რეზოლუციის მერე რომ გამოვიდა და თქვა, რომ მთელი ევროპა, თურმე სიბნელეში ცხოვრობს, მათ არაფერი იციან. თურმე მარტო კობახიძე და ივანიშვილია მართალი. ეს ხომ შიზოფრენიაა?! ეს არის სახიფათო ავადმყოფობა და საგანგაშოა, რომ ეს ადამიანები მართავენ ქვეყანას. „ქართულმა ოცნებამ“ ყველაფერი გააკეთა იმისთვის, რომ ჩვენ შედეგი გვქონდეს ნული“, - განაცხადა გიგი უგულავამ.

პოლიტიკოსის თქმითვე, იმ შემთხვევაში თუკი, საქართველო ევროკავშირისგან უარყოფით პასუხს მიიღებს კანდიდატის სტატუსის მიღებასთან დაკავშირებით, ამას ქვეყანაში მოჰყვება საპროტესტო აქცია.

„ეშინიათ მათ ლეგიტიმური, საზოგადოებრივი პროტესტის. დიახ, პროტესტი აუცილებლად იქნება! კარგად უნდა გვესმოდეს, რომ ყველა ლეგიტიმური პროტესტი უნდა იყოს გამოყენებული იმისთვის, რომ ჩვენ ისტორიულ გზაგასაყარზე არ აღმოვჩნდეთ ფარდის იმ მხარეს, საიდანაც შეიძლება მერე დიდი ხანი ვეღარ გამოვიდეთ“, - აღნიშნა უგულავამ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია