მოსამართლეებზე სანქციების დაწესებას იხილავენ ჩვენი დასავლელი პარტნიორები, არ გამოვრიცხავ ახლო მომავალში გავიგოთ ამის შესახებ ინფორმაცია,- ამის შესახებ ჟურნალისტებთან "სტრატეგია აღმაშენებლის" ლიდერმა გიორგი ვაშაძემ განაცხადა.

მისი თქმით, თუ "ქართული ოცნება" ადეკვატურ ნაბიჯებს არ გადადგამს, პირთა წრე, რომლებზე სანქციების დაწესებას განიხილავენ, კიდევ უფრო გაფართოვდება, თუმცა, ჯერ ამაზე საუბარი არსად მიმდინარეობს.

"დღეს ფოკუსირება უნდა გავაკეთოთ ორი მიმართულებით სანქციებზე, ეს არის ბიძინა ივანიშვილზე სანქციები, რომელზეც რეზოლუციაა და მეორე - მოსამართლეებზე სანქციები, რომელსაც ასევე იხილავენ ჩვენი დასავლელი პარტნიორები, მე არ გამოვრიცხავ, რომ ახლო მომავალში გავიგოთ ამის შესახებ ინფორმაცია. თუ "ქართული ოცნება" საკუთარ ქმედებებს არ გამოასწორებს აუცილებლად გაგრძელდება და გაფართოვდება სანქცირებულ პირთა სია. ჯერ სხვა პირებზე ნამდვილად გეუბნებით, რომ საუბარი არ არის არსად, საუბარია ბიძინა ივანიშვილზე, რაც არის რეზოლუციაში და ასევე მოსამართლეებზე, რომლებიც კლანის წევრები არიან და უკანონო გადაწყვეტილებებს იღებენ.

ქვეყანას ყველაზე დიდ ზიანს აყენებს ოლიგარქიული მმართველობა, საქართველო რომელიც იყო ჩემპიონი რეფორმების კუთხით, წერია და ამბობენ, რომ გახდა მაჩანჩალა, მე მაჩანჩალა ქვეყანას არ მინდა წარმოვადგენდე, მინდა ამბიციური განვითარებაზე ორიენტირებულო საქართველო იყოს,"- განაცხადა ვაშაძემ.