რუსული მხარის ინფორმაციით, ხერსონსა და ზაპოროჟიეში მოსახლეობას რუსული პასპორტები გადასცეს
რუსული მხარის ინფორმაციით, მოსახლეობას რუსეთის მიერ კონტროლირებად ტერიტორიებზე - ხერსონსა და ზაპოროჟიეში რუსული პასპორტები გადაეცათ. აღნიშნულის შესახებ ინფორმაცია მედიაში ვრცელდება. საინფორმაციო სააგენტო "ინტერფაქსის" ცნობით, ხერსონის ოლქში რუსული პასპორტები 25-მა ადამიანმა მიიღო.
"დღეს ხერსონში პირველი პასპორტები გაიცა იმ ადამიანებზე, რომელთაც რუსეთის მოქალაქეობის მისაღებად განაცხადეს", - ნათქვამია რეგიონის "სამხედრო-სამოქალაქო ადმინისტრაციის" პრესსამსახურის ინფორმაციაში.
შეგახსენებთ, რუსეთის პრეზიდენტმა ვლადიმერ პუტინმა უკრაინის, რუსეთის მიერ კონტროლირებად ხერსონსა და ზაპოროჟიეში მცხოვრებთათვის რუსეთის მოქალაქეობის მიღების გამარტივებასთან დაკავშირებით განკარგულებას ხელი მოაწერა.
v-if="article.gallery" v-html="article.gallery"
23.06.2025 / 09:34
