ხობის მუნიციპალიტეტის მერმა, დავით ბუკიამ და საკრებულოს თავმჯდომარის მოადგილე, გოჩა ქაჯაიამ ადგილობრივი თვითმმართველობის წარმომადგენლებთან ერთად, ინდირა და ლიზი ზარანდიების ხსოვნას პატივი მიაგეს და მათი საფლავები ყვავილებით შეამკეს. ამის შესახებ ინფორმაციას ხობის მუნიციპალიტეტის მერია ავრცელებს.
„2015 წლის 13 ივნისს თბილისში, მდინარე ვერეს ხეობაში მომხდარმა სტიქიამ ორი ხობელი ახალგაზრდის - ინდირა და ლიზი ზარანდიების სიცოცხლე შეიწირა.
2015 წელს, მდინარე ვერეს ხეობაში მომხდარმა წყალდიდობამ 21 ადამიანის სიცოცხლე შეიწირა“, - ნათქვამია ინფორმაციაში.