მერიის ინფორმაციით, გორის მუნიციპალიტეტის მერიას საზოგადოებრივი ჯანდაცვის 6-თვიან კამპანიაში შეტანილი განსაკუთრებული წვლილისთვის სერტიფიკატი გადაეცა

გორის მუნიციპალიტეტის მერიას საზოგადოებრივი ჯანდაცვის 6-თვიან კამპანიაში შეტანილი განსაკუთრებული წვლილისთვის სერტიფიკატი გადაეცა. ინფორმაციას ამის შესახებ გორის მერია ავრცელებს.

მათივე ცნობით, პროექტი „მოზარდი მოხალისეების ჩართულობა COVID-19-ის გამოწვევების საპასუხოდ საქართველოში“ გაეროს ბავშვთა ფონდისა და აშშ-ის საერთაშორისო განვითარების სააგენტოს მხარდაჭერით, არასამთავრობო ორგანიზაციის „Helping Hand“-ის პარტნიორობით განხორციელდა.

„დაჯილდოების ცერემონიალს საქართველოს მუნიციპალიტეტების, აშშ-ის საერთაშორისო განვითარების სააგენტოსა და იუნისეფის წარმომადგენლები ესწრებოდნენ.

პროექტის დახურვის ღონისძიებაზე ახალგაზრდების მონაწილეობით პანელური დისკუსია გაიმართა, სადაც მოზარდებმა მიღებული გამოცდილება და შთაბეჭდილებები ერთმანეთს გაუზიარეს. ღონისძიების დასასრულს სხვადასხვა ნომინაციაში გამარჯვებული მოხალისეები და ჰიგიენის კლუბები გამოვლინდნენ.

პროექტში საქართველოს 63 მუნიციპალიტეტის 150 ახალგაზრდასთან ერთად გორის მუნიციპალიტეტში მცხოვრები 34 ახალგაზრდა მოხალისე მონაწილეობდა.

პროექტის ფარგლებში საზოგადოებრივი ჯანდაცვის 6 თვიანი კამპანია ტრენინგებით, ვებინარებით და მრავალფეროვანი ღონისძიებებით ჩატარდა. მოხალისეებმა ჰიგიენის კლუბები დააფუძნეს და სხვადასხვა აქტივობა განახორციელეს.

მოხალისეებმა, აგრეთვე, მონაწილეობა ჯანმრთელობის შესახებ ცნობიერების ასამაღლებელ სესიებში მიიღეს, რომლებიც დაავადებათა კონტროლის ეროვნული ცენტრის ეპიდემიოლოგებმა, ფსიქოლოგებმა და საზოგადოებრივი ჯანდაცვის სხვა ექსპერტებმა ჩაატარეს. სესიების გავლის შემდეგ ახალგაზრდებს შესაძლებლობა მიეცათ, მიკრო გრანტები მოეპოვებინათ, რომლის ფარგლებშიც საქართველოს ყველა მუნიციპალიტეტში თავიანთ თემებში მცირე, ლოკალური პროექტები განახორციელეს,“ - აღნიშნულია ინფორმაციაში.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია