ევრო-აზიური მენეჯმენტ ჯგუფი - „როსნეფტთან“კავშირი არ გვაქვს და არც არასოდეს  გვქონია

ელენე ხოშტარიამ ბიზმესმენ ვანო ჩხარტიშვილს ენერგოკომპანია „როსნეფტთან“ შესაძლო კავშირში დასდო ბრალი. როცა გაირკვა, რომ ეს იყო მტკნარი სიცრუე, „დროას“ დამფუძნებელმა ერთი ტყუილის გადაფარვა სცადა მეორე ტყუილით და სქემის მონაწილედ გამოაცხადა ფოთის თავისუფალი ინდუსტრიული ზონა. არადა, ფოთის თიზი მდებარეობს ზღვიდან მოშორებით, არ აქვს გასასვლელი ზღვაზე და შესაბამისად, არ გააჩნია ნავმისადგომი. ასე, რომ, ხოშტარიას განცხადება, თითქოს ფოთის თიზი ემსახურება გალფის ტვირთებს, არის აბსოლუტური სიცრუე, რადგან ტექნიკურად ამის გაკეთება შეუძლებელია.

ელენე ხოშტარიამ ძალიან კარგად იცის ეს, იცის რომ „როსნეფტთან“ არანაირი კავშირი არ გვაქვს და არც არასოდეს გვქონია, მაგრამ გამიზნულად ცრუობს და აბსოლუტურად მცდარ ინფორმაციებს ავრცელებს, რათა სხვაზე გადაბრალებით გადაფაროს ამ ისტორიებთან დაკავშირებით საკუთარი პარტნიორებისა და დამფინანსებლების რუსული კავშირები.

ფოთის თავისუფალი ინდუსტრიული ზონა არის ცალკე სამართლებრივი სუბიექტი, რომლის საქმიანობის სფერო დაკავშირებულია უცხოური კაპიტალის მოზიდვასა და ახალი სამუშაო ადგილების შექმნასთან. ამ მიმართულებით ბოლო წლებში ათეულ მილიონობით დოლარის ინვესტიცია მოვიზიდეთ, გავხსენით ათეულობით საწარმო და დავასაქმეთ ასეულობით ადგილობრივი მაცხოვრებელი. არ ვაპირებთ დავკავდეთ „დროას“ დამფუძნებლის უპასუხისმგებლო ცილისწამებებსა და აბსურდულ ბრალდებებზე კომენტარებით, რადგან გვაქვს ეკონომიკური გეგმები და პროექტები, რომლებიც მნიშვნელოვან წვლილს შეიტანენ ქვეყნისა და რეგიონის ეკონომიკური განვითარების საქმეში.

„ევრო-აზიური მენეჯმენტ ჯგუფის“ საზოგადოებასთან ურთიერთობის სამსახური

(R)

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო