ბათუმში ტურისტული სეზონი იხსნება

ბათუმში ტურისტული სეზონი იხსნება. ბათუმის მერიის ინფორმაციით, შესაბამისად, მობილიზებულია მერიის ყველა სამსახური.

არჩილ ჩიქოვანმა დღეს იმ ორგანიზაციების ხელმძღვანელებთან გამართა შეხვედრა, რომლებიც ტურისტული სეზონის სრულყოფილად წარმართვაზე არიან პასუხისმგებელნი.

არჩილ ჩიქოვანის განცხადებით, ბათუმი 2022 წლის ზაფხულის სეზონისთვის მზად არის.

„პანდემიის შემდეგ, ჩვენ დავიბრუნეთ ტურიზმის ინდუსტრია, რომელიც უკვე ფეხზე დგას. თამამად შეგვიძლია ვთქვათ, რომ განწყობა არის ოპტიმისტური.

ბათუმში ვიზიტორთა სიმრავლეა, მოგეხსენებათ ჩვენი ქალაქი ტურისტული მიზიდულობის კუთხით გამორჩეულია, აჭარის ტურიზმის დეპარტამენტმა ყველაფერი გააკეთა იმისთვის, რომ ეს სექტორი გაცოცხლებულიყო და მოგვეწვია ვიზიტორები მთელი ქვეყნიდან და მსოფლიოდან. ბათუმისთვის ტურიზმი არის ის მიმართულება, რომელსაც მოაქვს სამუშაო ადგილები და ეკონომიკური შესაძლებლობები.

ტურისტული სეზონისთვის, მუნიციპალური სამსახურები მუშაობის საგანგებო რეჟიმში გადადიან. დღეს კიდევ ერთი შეხვედრა გავმართე იმ სამსახურის ხელმძღვანელებთან და თანამშრომლებთან, რომლებიც პასუხისმგებლები არიან ზაფხულის სეზონის გამართულად ჩატარებაზე. დასუფთავების მიმართულებით, მაქსიმალურად გაკონტროლდება ქუჩები და სანაპირო ზოლი.

რაც შეეხება შემოქმედებით, კულტურულ ნაწილს, მთელი ზაფხულის განმავლობაში, ზღვისპირა ქალაქში გაიმართება მნიშვნელოვანი ფესტივალები. დაგეგმილი გვაქვს საინტერესო მუსიკალური საღამოები. სეზონს განახლებული ინფრასტრუქტურითა და აქტივობებით ხვდება ბათუმის ბოტანიკური ბაღი და ბათუმის დელფინარიუმი", - განაცხადა მერმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა