100-საათიანი უწყვეტი ტურნე გრძელდება, - აღნიშნული ინფორმაციას „სტრატეგია აღმაშენებელი“ ავრცელებს.
მათივე ინფორმაციით, პარტიის ლიდერები და წევრები საქართველოს მასშტაბით ევროპული კამპანიის ფარგლებში მოსახლეობას ხვდებიან.
„#ერთადევროპისკენ“ ტურნეს ფარგლებში, პარტიის წარმომადგენლები გორის, ხაშურის, ზესტაფონის, ქუთაისის და ზუგდიდის მოსახლეობას შეხვდნენ. როგორც პარტიაში აცხადებენ, ტურნე კიდევ რამდენიმე დღეს გაგრძელდება და სამეგრელოსა და აჭარის ტერიტორიასაც მოიცავს.
შეგახსენებთ, 13 ივნისს „სტრატეგია აღმაშენებელმა“ საქართველოს მასშტაბით 100-საათიანი ტური „ერთად ევროპისკენ“ დაიწყო. ტურნემ სტარტი თბილისში, „ვარდების რევოლუციის“ მოედნიდან აიღო და ერთი კვირის განმავლობაში ქვეყნის ყველა რეგიონს მოივლის.
