დავით ჭიჭინაძე - ამ ტემპით და გაუგონარი რიტორიკით, ჯერ გარემოცვა გადაჩეხავს ივანიშვილს და შემდეგ ეს გარემოცვა გადაიჩეხება უფსკრულში

ამ ტემპით და გაუგონარი რიტორიკით, ჯერ გარემოცვა გადაჩეხავს ივანიშვილს და შემდეგ ეს გარემოცვა გადაიჩეხება უფსკრულში, - ამის შესახებ „ტრიბუნას“ ლიდერმა დავით ჭიჭინაძემ განაცხადა.

როგორც ის აღნიშნავს, „ოცნებისთვის“ მთავარი „წითელი ხაზი“ სანქციებზე გადის.

„ჩვეულებრივი მონური ფსიქოლოგიაა - პატრონს ვიღაც დაემუქრა, ამიტომ სასწრაფოდ პასუხი უნდა გასცენ, იმ პატრონს რომ მოეწონება ისეთი, თორემ ნაწყალობებ ძალაუფლებასაც დაკარგავენ და იმ თავის მოპარულ მილიონებსაც. ამიტომ გახდა „ოცნებისთვის“ მთავარი „წითელი ხაზი“ სანქციები, რადგან ზუსტად იციან, რომ ივანიშვილის ე.წ. უძლეველობა მოსყიდვაზე, დაშანტაჟებაზე, გადაბირებაზე დგას და ეს ყველაფერი ახლა ხელიდან ეგლიჯებათ, თორემ, ხალხი ვის აინტერესებს, ან დემოკრატია, ან საერთოდ ქვეყანა? ან ღირსება შერჩა ვინმეს?! მოკლედ, ამ ტემპით და ამ გაუგონარი რიტორიკით, ჯერ მისი გარემოცვა გადაჩეხავს ივანიშვილს და შემდეგ ეს გარემოცვა გადაიჩეხება უფსკრულში ისე, როგორც არავინ და არასოდეს ამ ქვეყანაში”, - განაცხადა ჭიჭინაძემ.