კახეთში დილიდან სტიქიის შედეგად მიყენებულ ზარალს ითვლიან. სეტყვამ განსაკუთრებულად დააზარალა გურჯაანის მუნიციპალიტეტი.
ადგილობრივების თქმით, სოფელ ჩუმლაყსა და ახაშენში მოსავლის 80%- ი თითქმის განადგურებულია.
სეტყვამ, რომელიც 20 წუთის განმავლობაში გრძელდებოდა ატმის, გარგარის და ქლიავის ბაღები დააზიანა. დაზიანებულია ვენახების ნაწილიც.
ფერმერების და მევენახეების ნაწილს ვენახები დაზღვეული არ აქვს, ამიტომ ადგილობრივ ხელისუფლებაში განმარტავენ, რომ სადაზღვევო სისტემას ალტერნატივა არ აქვს და ამ პროგრამაში ჩართვა მათი დაცვის საუკეთესო საშუალებაა.
გურჯაანის მერიაში შექმნილი ზარალის დამთვლელი კომისია სტიქიის ზონაში დილიდან მუშაობს.