ევროპის მოედანზე პრეზიდენტის მიერ ორგანიზებულ აქციაზე აშშ-ის ელჩი კელი დეგნანი, ევროკავშირის ელჩი კარლ ჰარცელი, საფრანგეთის ელჩი დიეგო კოლასი და გერმანიის ელჩი ჰუბერტ ქნირში მივიდნენ.

ცოტა ხნის წინ ევროპის მოედანზე მივიდა საქართველოს პრეზიდენტი სალომე ზურაბიშვილი, ევროპის მოედანზე იმყოფებიან ასევე ოპოზიციის წარმომადგენლები.

ევროინტეგრაციის მხარდამჭერ შეკრებაზე რიგდება ევროკავშირის, საქართველოს, უკრაინის და მოლდოვას დროშები, ასევე ბუშტები საქართველოსა და ევროკავშირის დროშების გამოსახულებით.

შეგახსენებთ, 16 ივლისს ევროინტეგრაციის მხარდამჭერი აქციის ჩატარების ინიციატივა სალომე ზურაბიშვილს ეკუთვნის. აქციას არ უერთდება მმართველი გუნდი. ოპოზიციიდან უერთდება "ლელო", "მოქალაქეები" და პოლიტიკური პარტია "სამართლიანობისთვის".

დღევანდელ აქციაზე პოლიტიკოსების სიტყვით გამოსვლა არ იგეგმება.