პასუხი გაცემულია ამ საკითხზე, არ არის საჭირო, რომ გავიმეორო, - ასე უპასუხა პრეზიდენტმა, ზურაბიშვილმა “მთავარი არხის“ გენერალური დირექტორის, ნიკა გვარამიას შეწყალებასთან დაკავშირებით დასმულ შეკითხვას.

მისი თქმით, რეზოლუციით მას არავინ არაფერს მოუწოდებს.

„პასუხი გაცემულია ამ საკითხზე. არ არის საჭირო, რომ გავიმეორო. მე არავინ მომიწოდებს რეზოლუციით. პრეზიდენტის დისკრეცია იმას ნიშნავს, რომ არავის შეუძლია მოუწოდოს. რაც უფრო მეტი მოწოდება და ზეწოლაა, ეს არ უწყობს ხელს, რომ პრეზიდენტმა გამოიყენოს. გადაწყვეტილებები, რაც ხვალ იქნება მიღებული იქნება დამოკიდებული იმაზე, თუ რა გავაკეთეთ ბოლო ერთ წელს”, – განაცხადა სალომე ზურაბიშვილმა.

მედიასთან საუბრის დასასრულს, ჟურნალისტის რეპლიკაზე: „ხელისუფლებამ ციხეში ჩასვა ნიკა გვარამია“ , საქართველოს პრეზიდენტმა მას განუცხადა: „მიმართეთ ხელისუფლებას“.