რუსმა ოკუპანტებმა ნიკოლაევზე სარაკეტო თავდასხმა განახორციელეს, - ამის შესახებ ქალაქის მერმა, ალექსანდრე სენკევიჩმა „ტელეგრამში“ განაცხადა.
"დღეს დილით რუსმა დამპყრობლებმა ნიკოლაევში კიდევ ერთხელ გაისროლეს რაკეტები. დაზიანდა საცხოვრებელი კორპუსები. ადგილზე მაშველები და ექიმები მუშაობენ. დაბომბვის შედეგებზე დაწვრილებით მოგვიანებით მოგახსენებთ", - აღნიშნა მერმა.
ამასთან, ნიკოლაევის ოლქის სამხედრო ადმინისტრაციის ხელმძღვანელის, ვიტალი კიმმის ინფორმაციით, სარაკეტო დარტყმის შედეგად 4 საცხოვრებელი მრავალსართულიანი შენობა და ინფრასტრუქტურული ობიექტი დაზარალდა.
"ამ დროისთვის არსებული ინფორმაციით, დაიღუპა ერთი და დაშავდა ექვსი ადამიანი (მათ შორის ერთი ბავშვია). სამაშველო სამუშაოები გრძელდება", - განაცხადა ვიტალი კიმმა.
