საქართველოს აუცილებლად მივიყვანთ საბოლოო მიზნამდე, რასაც ჰქვია ჩვენი ქვეყნის ევროკავშირის სრულფასოვანი წევრობა, - ამის შესახებ საქართველოს საგარეო საქმეთა მინისტრმა, ილია დარჩიაშვილმა ბრიფინგზე განაცხადა.

ევროკომისიის დასკვნის შესახებ საუბრისას, მინისტრმა აღნიშნა, რომ საქართველო გააგრძელებს ქვეყნის ამბიციური რეფორმების დღის წესრიგზე მუშაობას.

„საქართველო გააგრძელებს ჩვენი ქვეყნის ამბიციური რეფორმების დღის წესრიგზე მუშაობას. რაც შეეხება პირობითობის საკითხს, ეს არ არის ახალი და ამის პრაქტიკა არსებობს ევროკავშირში გაწევრიანების მსურველი ქვეყნებისთვის. მსგავსი პრაქტიკა ასევე ჰქონდათ ბალტიისპირეთის ქვეყნებს. შესაბამისად, ჩვენ ამ მიმართულებით აუცილებლად გავაგრძელებთ სვლას ჩვენი საბოლოო მიზნისკენ და ჩვენი ყოველდღიური ძალისხმევით, ამბიციური რეფორმების დღის წესრიგის შესაბამისად, საქართველოს აუცილებლად მივიყვანთ საბოლოო მიზნამდე, რასაც ჰქვია ჩვენი ქვეყნის ევროკავშირის სრულფასოვანი წევრობა“, - განაცხადა მინისტრმა.