გორში ტურიზმის ახალი საინფორმაციო ცენტრი გაიხსნა

გორში ტურიზმის ახალი საინფორმაციო ცენტრი გაიხსნა. ცენტრის გახსნას გორის მუნიციპალიტეტის მერი ვლადიმერ ხინჩეგაშვილი, შიდა ქართლში სახელმწიფო რწმუნებულის მოადგილე აბელ აბესაძე და ხელისუფლების სხვა წარმომადგენლები ესწრებოდნენ. ამის შესახებ ინფორმაციას გორის მუნიციპალიტეტის მერია ავრცელებს.

„ტურიზმის განვითარების ხელშეწყობა ერთ-ერთი პრიორიტეტია ჩვენთვის და მიხარია, რომ ამ მიმართულებით კიდევ ერთი ობიექტი გაიხსნა. ეს ცენტრი ევროკავშირის გრანტის ფარგლებში მოეწყო და იმედი მაქვს, რომ დაეხმარება ტურისტებს უკეთესი მარშრუტები დაგეგმონ. ზოგადად ვფიქრობ, რომ ეს ადგილი საინტერესო ღონისძიებებით დაიტვირთება და კიდევ უფრო მიმზიდველი გახდება ადგილობრივებისთვისაც. მინდა მოგილოცოთ ცენტრის გახსნა, წარმატებები და ტურისტების სიმრავლეს გისურვებთ!" - განაცხადა ვლადიმერ ხინჩეგაშვილმა.

გორის მერიის ცნობით, ტურისტული ობიექტი "ლომჭაბუკის" მიმდებარე ტერიტორიაზე მდებარეობს. ცენტრი როგორც უცხოელ, ასევე ადგილობრივ ტურისტებს საჭირო ინფორმაციით უზრუნველყოფს. ამასთან, მიაწვდის სრულყოფილ ინფორმაციას გორის მუნიციპალიტეტში არსებული ტურისტული ადგილებისა და ღირშესანიშნაობების შესახებ. აქვე მოხდება საინტერესო მარშრუტების დაგეგმვაც.

მათივე ცნობით, ახალი საინფორმაციო ცენტრი ერთ-ერთია იმ ობიექტებს შორის, რომელიც პროექტის „ადგილობრივი ეკონომიკური შესაძლებლობების გაძლიერება გორში მდგრადი განვითარების" ფარგლებში ევროკავშირისგან მოპოვებული გრატით მოეწყო.

გრანტი გორის მუნიციპალიტეტმა ევროკომისიის მიერ, ევროკავშირის ინიციატივის „მერები ეკონომიკური ზრდისთვის" საგრანტო კონკურსის ფარგლებში მიიღო.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა