ოზურგეთში აქცია ,,ევროპა ჩვენი სახლია“ მიმდინარეობს
"ევროპა ჩვენი სახლია“ - ამ სლოგანით ოზურგეთში აქცია მიმდინარეობს.
აქციაში სამოქალაქო აქტივისტები და რიგითი მოქალაქეები მონაწილეობენ.
შეკრებილები ითხოვენ, ხელისუფლებამ შეასრულოს ევროკავშირის რეკომენდაციები.
მათივე თქმით, აქციის მიზანია ევროპას და მთავრობას დაანახონ, რომ სწორ გზაზე დგანან.
„ევროკავშირის კანდიდატი ქვეყნის სტატუსს აძლევენ სახელმწიფოს და არ ხალხს. სახელმწიფოს არ მისცეს, რადგან არ აქვს შესაბამისი საკანონმდებლო ინსტიტუციები მოწესრიგებული. ამ აქციების მიზანია, ვაიძულოთ ხელისუფლება, შეასრულოს ევროკავშირის რეკომენდაციები, რათა ჩვენი, ქართველი ხალხის მოთხოვნაა გავწევრიანდეთ, ევროკავშირის მშვიდობიან ბანაკში და ესენი გვეწინააღმდეგებიან. ამ აქციების მიზანია, ევროპასაც დავანახოთ და ამ მთავრობასაც, რომ ვართ სწორ გზაზე და ვინც ამ სწორ გზაზე გადაგვეღობება, არ წაუვა კარგად საქმე“, - განაცხადა აქციის მონაწილე ირმა გორდელაძემ.
