რუსული მედია - ხერსონის ოლქში რეფერენდუმის ჩატარება შემოდგომაზე იგეგმება

ხერსონის ოლქის რუსეთის შემადგენლობაში შესვლასთან დაკავშირებული რეფერენდუმის ჩატარება წელს იგეგმება, - ამის შესახებ რუსეთის მიერ დანიშნული ე.წ. სამხედრო-სამოქალაქო ადმინისტრაციის უფროსის მოადგილემ კირილ სტრემუსოვმა რუსულ მედიასთან საუბარში განაცხადა.

„რეფერენდუმი წელს გაიმართება. მისი ჩატარება დაგეგმილია შემოდგომაზე“, - აღნიშნა სტრემუსოვმა.

მისი თქმით, უფრო კონკრეტული თარიღები ჯერჯერობით დადგენილი არ არის.

„ჩვენ ვემზადებით რეფერენდუმისთვის. მიმდინარეობს საორგანიზაციო საკითხები. რეფერენდუმის შემდეგ ჩვენ გავხდებით რუსეთის ფედერაციის სრულუფლებიანი სუბიექტი. ძალიან ცოტა დრო რჩება იმისთვის, რომ თავი დიდი ქვეყნის სრულუფლებიან მოქალაქეებად ვიგრძნოთ. ჩვენ ყირიმის გზას მივყვებით“, - განაცხადა სტრემუსოვმა.