ლევან ხაბეიშვილი უმრავლესობას - ევროპამ დეოლიგარქიზაციაო - უკაცრავად, ბიძინა ივანიშვილზე რას აპირებთ?

ბიძინა ივანიშვილსა და სამშობლოს შორის რა გადაწყვეტილებას იღებთ? ბიძინა თუ საქართველო? - ამის შესახებ „ნაციონალური მოძრაობის“ წევრმა, დეპუტატმა ლევან ხაბეიშვილმა, პარლამენტში პლენარულ სხდომაზე სიტყვით გამოსვლისას განაცხადა.

მისივე თქმით, ევროკავშირის კანდიდატის სტატუსის მისაღებად პირველ რიგში, დეოლიგარქიზაციის პუნქტია შესასრულებელი.

„ევროპამ დეოლიგარქიზაციაო - უკაცრავად, ბიძინა ივანიშვილზე რას აპირებთ? შეიძლება მართლა ყველაფერი შეასრულოთ თუ ეს ერთი კაცი გეტყვით, მაგრამ ბიძინა ივანიშვილზე რას აპირებთ? პირდაპირ გითხრათ, რომ ეს კაცი არ უნდა მართავდეს ქვეყანას, არ უნდა იყოს გადაწყვეტილებების მიმღები, პირდაპირ გითხრათ და მერე მოყვებით ვიშვიშს, აბა, ბიძინა რა შუაშიაო და აბა ღარიბაშვილი რა შუაშია პრემიერ-მინისტრად?! თუ ბიძინა რა შუაშია, აბა ირაკლი ღარიბაშვილი რა შუაშია? ბერას ძიძა და ბიძინა ივანიშვილის პირადი მოურავი. ან სახელმწიფო უსაფრთხოების სამსახურში რა ესაქმება ბიძინა ივანიშვილს პირად ბანკირს, მაგალითად ლილუაშვილს? რა საქმე აქვს სახელმწიფო უსაფრთხოებასთან? ან შინაგან საქმეთა მინისტრად მის დაცვის უფროსს გომელაურს რა ესაქმება ? ბიძინა ივანიშვილის დაცვის წევრები და პირადი მოურავები რომ არიან მთავრობაში და ერევა ეს კაცი სახლმწიფოს მართვაში სწორედ ამაზე მიგითითებთ, და ბიძინა ივანიშვილსა და სამშობლოს შორის რა გადაწყვეტილებას იღებთ? ბიძინა თუ საქართველო?

მედიის დამოუკიდებლობაო, პირდაპირ გიწერიათ. სახელი და გვარით ხომ არ ჩაგიწერდნენ, მაგალითად, ნიკა გვარამია პირდაპირ ტყუილად გყავთ დაკავებულიო და დევნით ყველა ოპოზიციურად განწყობილ ტელევიზიასო. აბსოლუტურად ყველას. რაღაცა ბლა, ბლა, ბლა კი არა, გამოდით და თქვით საქართველო თუ ბიძინა და თუ საქართველო, მაშინ ეს პუნქტები რომ არის ჩამოწერილი როგორ აპირებთ ამის შესრულებას?!“- განაცხადა ლევან ხაბეიშვილმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება