ნინო ბურჯანაძის განცხადებით, გიორგი მარგველაშვილის ინიციატივა, წერილით მიმართონ ევროკავშირის ხელმძღვანელებს „მნიშვნელოვანი გზავნილი“ იქნება, რასაც თავად ხელი უკვე მოაწერა

„ერთიანი საქართველოს“ ლიდერი ნინო ბურჯანაძე აცხადებს, რომ ხელი მოაწერა საქართველოს მეოთხე პრეზიდენტის გიორგი მარგველაშვილის ინიციატივით შედგენილ წერილს, რომელიც ევროკავშირის ხელმძღვანელებს გაეგზავნება.

ნინო ბურჯანაძემ „პალიტრანიუსის“ ეთერში გადაცემა „დღის ნიუსრუმში“ მეოთხე პრეზიდენტს ინიციატივისთვის მადლობა გადაუხადა და აღნიშნა, რომ ეს „მნიშვნელოვანი გზავნილი“ იქნება საქართველოს ლიდერების მხრიდან.

„წერილს ხელს აწერენ ყოფილი პრეზიდენტები და პარლამენტის თავმჯდომარეები. ძალიან კარგი იქნება თუ დღევანდელი პრეზიდენტი და პარლამენტის თავმჯდომარე მოაწერდა ხელს. მადლობა მინდა გიორგი მარგველაშვილს ვუთხრა ამ ინიციატივისთვის. ვთვლი, რომ ესეც მნიშვნელოვანი გზავნილი, განაცხადი იქნება ყოფილი პრეზიდენტების და პარლამენტის ყოფილი თავმჯდომარეების მხრიდან, ჩვენი ევროპელი კოლეგებისთვის“, - განაცხადა ნინო ბურჯანაძემ.

შეგახსენებთ, საქართველოს მეოთხე პრეზიდენტი გიორგი მარგველაშვილი გამოვიდა ინიციატივით, გაუგზავნონ წერილი ევროკავშირის ხელმძღვანელობას, რომ ყველაფრის მიუხედავად, საქართველო იმსახურებს კანდიდატის სტატუსს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024