ანა წითლიძემ პრემიერ-მინისტრს მონა და მოღალატე უწოდა, რასაც სხდომათა დარბაზში ხმაური მოჰყვა

პარლამენტის პლენარულ სხდომაზე, სადაც პრემიერ-მინისტრი ირაკლი ღარიბაშვილი წლიური ანგარიშით გამოდის, ხმაური იყო. „ნაციონალური მოძრაობის“ წევრმა ანა წითლიძემ პრემიერ-მინისტრს მონა და მოღალატე უწოდა, რასაც დარბაზში ხმაური მოჰყვა. პარლამენტის თავმჯდომარემ შალვა პაპუაშვილმა დეპუტატს ამ რეპლიკების გამო წესრიგის დაცვა მოსთხოვა, წინააღმდეგ შემთხვევაში კი გააფრთხილა, რომ სხდომათა დარბაზის დატოვება მოუწევდა.

„არა, მოვუსმენთ, მოვუსმენთ ყოველდღე. თქვენ ხართ მოღალატეების პარტია. გამიგეთ? თქვენ ხართ მოღალატეების პარტია, ქვეყნის გამყიდველები“, - მიმართა ანა წითლიძეს ირაკლი ღარიბაშვილმა.

მიუხედავად გაფრთხილებისა დეპუტატი რეპლიკების გამოთქმას პრემიერის მისამართით კვლავ აგრძელებდა, რა დროსაც პარლამენტის თავმჯდომარემ კიდევ ერთხელ გააფრთხილა წითლიძე, რომ სხდომათა დარბაზიდან გასვლა მოუწევდა.

„დაასრულოს და გაიყვანეთ და მერე ილაპარაკოს“, - აღნიშნა ღარიბაშვილმა წითლიძის მისამართით.

საბოლოო ჯამში ანა წითლიძეს სხდომათა დარბაზის დატოვება არ მოუწია.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში