ირაკლი ღარიბაშვილი აკაკი მინაშვილს - აკო, აკუნა, ნუ არტისტობ, არ გინდა, წყნარად იყავი

აკო, აკუნა, ნუ არტისტობ, არ გინდა, წყნარად იყავი, - ასე მიმართა პარლამენტის პლენარულ სხდომაზე სიტყვით გამოსვლისას პრემიერ-მინისტრმა ირაკლი ღარიბაშვილმა „ნაციონალური მოძრაობის“ დეპუტატს აკაკი მინაშვილს, როდესაც ის „ნაციონალური მოძრაობის“ მმართველობის პერიოდზე საუბრობდა.

როგორც ირაკლი ღარიბაშვილმა აღნიშნა, „ნაციონალურ მოძრაობას“ თავის დროზე არაფერი გაუკეთებია იმისათვის, რომ რუსეთისთვის სანქციები დაეწესებინა.

„თქვენ რა გააკეთეთ იმისთვის, რომ სანქციები დაგეწესებინათ რუსეთისთვის? ნული, არაფერი. არავითარი აქტივობა არ გვინახავს, პირიქით, კაპიტულანტურ რეზოლუციას მოაწერეს ხელი. რუსულ სახელმწიფო კომპანიებს მიჰყიდეს სტრატეგიული აქტივები, ენერგეტიკული ობიექტები“, - განაცხადა ღარიბაშვილმა.

ღარიბაშვილის ამ განცხადებას მოჰყვა აკაკი მინაშვილის მხრიდან ხმაური, რომელმაც პრემიერი სიცრუეში დაადანაშაულა.

„ნუ ყვირი, კაცო. კარგად იცი ეს შენ. ნუ არტისტობ ახლა, აკო, აკუნა, ნუ არტისტობ, არ გინდა, წყნარად იყავი“, - მიმართა ღარიბაშვილმა მინაშვილს.

საპასუხოდ კი, „ნაციონალური მოძრაობის“ წევრებმა ღარიბაშვილს მოსთხოვეს დაეკონკრეტებინა, რომელი ობიექტები გადასცეს მათ რუსეთს, რაზეც ღარიბაშვილმა უპასუხა, რომ ათეულობით ენერგეტიკულ ობიექტზეა საუბარი, "ამასთან სააკაშვილმა უვიზო რეჟიმი დაუწესა რუსეთის მოქალაქეებს".

ამის შემდეგ ოპოზიციონერ დეპუტატებს პარლამენტის თავმჯდომარემაც მიმართა და სიმშვიდისკენ მოუწოდა.

„თუ ნერვების მოთოკვა არ შეგიძლიათ, ესეც გვითხარით და დატოვეთ დარბაზი, აქ სხვები, კოლეგები უსმენენ", - განაცხადა შალვა პაპუაშვილმა და აღნიშნა, რომ ოპოზიციას სხდომის ჩაშლის საშუალებას არ მისცემს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა