ივ. ბოკერიას სახელობის საუნივერსიტეტო ჰოსპიტალსა და „ლიბერთი ბანკს“ შორის ურთიერთთანამშრომლობის მემორანდუმი გაფორმდა, რომლის ფარგლებშიც, „ლიბერთის“ უფროსი თაობის მომხმარებლები და სოციალური ბარათის სხვა მფლობელები განსაკუთრებული პირობებით ისარგებლებენ. ინფორმაციას ამის შესახებ „ევექსი“ ავრცელებს.

მათივე ცნობით, ივ. ბოკერიას სახელობის საუნივერსიტეტო ჰოსპიტალში „ლიბერთის“ ბარათით გადახდისას სპეციალური ფასები კარდიოქირურგიულ და ნეიროქირურგიულ ოპერაციებზე გავრცელდება.

ასევე, სპეციალური შეთავაზებით საყოველთაო დაზღვევის მქონე ბენეფიციარები ისარგებლებენ. კერძოდ, მომხმარებელი თანადაფინანსების მხოლოდ 50%-ს დაფარავს.

ამას გარდა, შაბათ-კვირას, 50%-იან შეღავათს უფროსი თაობის წარმომადგენლები და „ლიბერთის“ სოციალური ბარათის სხვა მფლობელები ლაბორატორიულ ანალიზებსა და მაღალტექნოლოგიურ კვლევებზე (მაგ. კომპიუტერული ტომოგრაფია და მაგნიტურ-რეზონანსული ტომოგრაფია) მიიღებენ.

„ევექსის“ ცნობით, ივ. ბოკერიას სახელობის საუნივერსიტეტო ჰოსპიტალი თავისი კონცეფციით - „შენთან ახლოს“ მუდმივად ცდილობს, მოქალაქეებს მათზე მორგებული პირობები შეუქმნას. აღნიშნული პროგრამა კი სოციალური ბარათის მფლობელებს სასურველ სერვისებზე ხელმისაწვდომობას მნიშვნელოვნად გაუზრდის.

(R)