გურამ მაჭარაშვილის განცხადებით, “ქართული ოცნება"  ყველაფერს გააკეთებს, რომ პირობები შესრულდეს და ქვეყანამ 6 თვეში კანდიდატის სტატუსი მიიღოს

მიუხედავად იმისა, მადლობა ღმერთს, რომ საქართველოში არ არის ომი, კანდიდატის სტატუსს საქართველო ნამდვილად იმსახურებდა, - ამის შესახებ საპარლამენტო უმრავლესობის წევრმა გურამ მაჭარაშვილმა განაცხადა. დეპუტატი მიიჩნევს, რომ მთავარი ფაქტორი რის გამოც, უკრაინას და მოლდოვას მიანიჭეს სტატუსი არის ომი უკრაინაში და რთული ვითარება მოლდოვაში.

მისივე თქმით, "ქართული ოცნება" გააკეთებს ყველაფერს, რომ პირობები შესრულდეს და ქვეყანამ 6 თვეში კანდიდატის სტატუსი მიიღოს.

კითხვაზე, თუკი ახლა აქვთ მზაობა, რატომ არ განახორციელეს რეფორმები უფრო ადრე, რომ კანდიდატის სტატუსი გვქონოდა, მაჭარაშვილი აღნიშნავს, რომ რეფორმები 6 თვის განმავლობაში ვერ დასრულდება.

"თქვენ როგორ გგონიათ 6 თვის მერე სამივე ქვეყანა დაასრულებს რეფორმებს და განვითარებას? ასე არ არის ნამდვილად, 6 თვის მერეც გაგრძელდება ევროპასთან ურთიერთობა, რადგან სრულფასოვან წევრობამდე ძალიან ბევრი რამ არის გასაკეთებელი საქართველოს, უკრაინის და მოლდოვას მხრიდან,"- განაცხადა მაჭარაშვილმა.

ამასთან, მაჭარაშვილი აღნიშნავს, რომ 12 პირობიდან ყველაზე რთულად განსახორციელებელი დეპოლარიზაცია იქნება.

"იმედს არ ვკარგავ, მაგრამ ყველაზე რთულად განსახორციელებელი მე მეჩვენება, რომ იქნება ნომერი პირველი დეპოლარიზაციის საკითხი. აქ „ქართული ოცნება“ კი არა საქართველოს საზოგადოება სულ თავდაყირა რომ დადგეს, თუ ოპოზიციამ არ დაწია არასრულფასოვანი, არასწორი, არასახელმწიფოებრივი ქმედებები, ეს რთულად იქნება განსახორციელებელი", - განაცხადა მაჭარაშვილმა.

კითხვაზე, რამდენად ერთანაირად ესმის ევროკავშირს და "ქართულ ოცნებას" დეოლიგარქიზაცია, მაჭარაშვილი აღნიშნავს, რომ "ქართულ ოცნებას" და ევროკავშირს ერთნაირად ესმის, რას ნიშნავს ევროპული ღირებულებები, მაგრამ ევროპული ღირებულება სხვანაირად ესმის რადიკალურ ოპოზიციას". მაჭარაშვილის თქმით, დეოლიგარქიზაციის საკითხი გაწერილია სამივე ქვეყნის მიმართ, მისივე თქმით ამ საკითხთან დაკავშირებით, ისევე როგორც სხვა საკითხებზე ექნებათ კონსულტაციები ქვეყნის შიგნითაც და პარტნიორებთანაც.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა