ლევან დავითაშვილი დავით არახამიას განცხადებაზე - ბრალდებები არანაირი ფაქტებით არ არის გამყარებული, ეს არის უპასუხისმგებლო და შეურაცხმყოფელი ჩარევა საქართველოს საქმეებში სხვა ქვეყნის პოლიტიკოსის მხრიდან

ვიცე-პრემიერი და ეკონომიკის მინისტრი ლევან დავითაშვილი ქართველი მაღალჩინოსნების მიერ საზღვარგარეთ ტრანზაქციების შესახებ დავით არახამიას განცხადებას „ცრუს და არასერიოზულს უწოდებს“.

მისი თქმით, არახამიას ბრალდებები ფაქტებით არაა გამყარებული და ეს არის „შეურაცხმყოფელი ჩარევა საქართველოს სახელმწიფო საქმეებში“.

„რაც შეეხება ბატონი არახამიას ცრუ ბრალდებებს, რაც არაერთხელ მოგვისმენია, აქამდე ყველა ეს განცხადება იყო აბსოლუტურად უპასუხისმგებლო, რომელთაც არანაირი ფაქტები არ ამყარებს. დღესაც მოვისმინეთ მხოლოდ საუბარი ბრალდებებზე და ეს არ არის ფაქტებით გამყარებული. როდესაც ნებისმიერი ადამიანი სხვას ბრალს სდებს, ეს უნდა იყოს ფაქტებით გამყარებული. ამასთან, ვფიქრობ, ეს არის აბსოლუტურად უპასუხისმგებლო და შეურაცხმყოფელი ჩარევა საქართველოს სახელმწიფო საქმეებში სხვა ქვეყნის პოლიტიკოსის მხრიდან, რაც, ვფიქრობ, თითოეული მოქალაქისთვის მიუღებელი და შეურაცხმყოფელია, განსაკუთრებით მაშინ, როდესაც ეს ადამიანი შესაძლოა ეთნიკურად ქართული იყოს“, - განაცხადა ლევან დავითაშვილმა.

ცნობისთვის, უკრაინის რადას ფრაქცია „ხალხის მსახურის“ თავმჯდომარის, დავით არახამიას განცხადებით, დროთა განმავლობაში სულ უფრო მეტი ობიექტური ინფორმაცია გაჩნდა, რომელიც ადასტურებს, რომ საქართველოს ხელისუფლება რუსეთს სანქციებისთვის გვერდის ავლაში ეხმარება. ამის შესახებ განცხადება მან „ტელეგრამის“ არხზე გაავრცელა.

არახამიას თქმით, მალე ხელმისაწვდომი გახდება მონაცემები საქართველოდან ბევრი სახელისუფლებო დეპუტატისა და მინისტრის საზღვარგარეთ ტრანზაქციებისა და ანგარიშების შესახებ. მისივე მტკიცებით, ასევე ცნობილი გახდება ბიძინა ივანიშვილის კავშირებზე, რომელიც ძალიან ღრმად არის ჩართული იმაში, რომ დაეხმაროს ტერორიზმის სპონსორ ქვეყანას სანქციების გვერდის ავლაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი