კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!

პარტია „პროგრესი და თავისუფლებას“ ლიდერი კახა ოქრიაშვილი განცხადებას ავრცელებს, რომელსაც „ინტერპრესნიუსი" უცვლელად გთავაზობთ:

„დღეს, 27 ივნისს, ივანიშვილის ღარიბაშვილმა გააჟღერა რამდენიმე მესიჯი, რომელიც შეიძლება ორ ძირითად გზავნილად შემოგთავაზოთ:

  1. ქვეყანას აქვს არნახული ეკონომიკური ზრდა და წინსვლა ყველა მიმართულებით, 2012 წლის შემდეგ. აქვე, 2012 წელს, მსოფლიო ბანკის მონაცემებით, მოლდოვაში მშპ ერთ სულ მოსახლეზე შეადგენდა 3 045 $-ს, ხოლო საქართველოში 4 421 $-ს. 2020 წელს, მოლდოვაში მშპ ერთ სულზე შეადგენდა 4 547 $-ს, ხოლო საქართველოში - 4 256 $-ს. 90-იანი წლებიდან მოყოლებული, მოლდოვამ 2020 წელს პირველად გაგვისწრო მთავარ ეკონომიკურ მაჩვენებლებში. აღარ ტყუვდება ჩვენი მოსახლეობა, რადგან ნებისმიერი ინფორმაცია ხელმისაწვდომია ინტერნეტით. განგებ მოვიყვანე მოლდოვას მაგალითი, რადგან ყოფილ პოსტსაბჭოთა ქვეყნებში ყველაზე ღარიბი ქვეყანაა. ჩვენგან განსხვავებით, მოლდოვა განთავისუფლდა ოლიგარქისგან, ამიტომაც მიიღო ევროკავშირის კანდიდატი ქვეყნის სტატუსი და ახლა უსწრაფესი ტემპებით განავითარებს თავის ეკონომიკას.
  2. ღარიბაშვილი აცხადებს, რომ დესტრუქციულ ძალებს არ მისცემს საშუალებას, შეაფერხონ ქვეყნის განვითარება. რომელ განვითარებაზეა საუბარი?! 2012 წლის შემდეგ გვაქვს სრული უკუსვლა, რეგრესი ყველა მიმართულებით: ეკონომიკა, დემოკრატიული ინსტიტუტები, სასამართლო, უსაფრთხოება, მიგრაცია - ქვეყანას აკარგვინებენ პერსპექტივას, ქვეყანას გვიკლავენ! საქართველოს მოსახლეობის 90 % ითხოვს ევროკავშირის წევრობას, ბიძინა ივანიშვილი კი რუსეთის ბრძანებებს ასრულებს და რუსეთისკენ მიდის. ღარიბაშვილი 20 და 24 ივნისს ქუჩაში გამოსულ ხალხს დესტრუქციულს უწოდებს - არცერთ ამ აქციაზე პარტიები არ ყოფილან წარმოდგენილი. „ოცნება“ ქართველი ხალხის 90%-ს და ყველა ევროპელ პოლიტიკოსს, ვისაც შეხება აქვს საქართველოსთან, დესტრუქციულ ძალას და ნაციონალებს უწოდებს.

ერთადერთი დესტრუქციული ძალა საქართველოში არის ოლიგარქი ივანიშვილი, თავისი ერთპიროვნული მართვის ინსტრუმენტით, რომელსაც ჰქვია „ოცნება“. ამ ინსტრუმენტმა ჩამოყვანა 3 წლის წინ, ზუსტად 20 ივნისს გავრილოვი, რაც პირდაპირ მოღალატეობრივი ქმედება იყო. „ოცნება“ ღალატის პარტიაა !

3 ივლისს, რუსთაველზე, ვაჩვენოთ ხალხის კონსტრუქციული, მშვიდობიანი ძალა დესტრუქციულ ოლიგარქს! - აცხადებს ოქრიაშვილი.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა