ბორის ჯონსონი უკრაინაში სავაჭრო ცენტრის დაბომბვაზე - შემზარავმა თავდასხმამ კიდევ ერთხელ აჩვენა ბოროტებისა და ბარბაროსობის სიღრმე, რომელშიც რუსეთის ლიდერი ჩაიძირება
დიდი ბრიტანეთის პრემიერ-მინისტრმა ბორის ჯონსონმა დაგმო რუსეთის პრეზიდენტის, ვლადიმერ პუტინის "სისასტიკე და ბარბაროსობა" მას შემდეგ, რაც უკრაინაში სავაჭრო ცენტრზე სარაკეტო იერიშის შედეგად სულ მცირე 10 ადამიანი დაიღუპა, ხოლო 40 კი - დაშავდა. ამის შესახებ ინფორმაციას BBC-ი ავრცელებს.
ჯონსონის თქმით, "დიდი შვიდეულის ქვეყნების" სამიტზე უკრაინის პრეზიდენტის, ვოლოდიმირ ზელენსკის სიტყვით გამოსვლის დროს განხორციელებული თავდასხმა მოკავშირეების გადაწყვეტილებებს გააძლიერებს, რომ პუტინს წინააღმდეგობა გაუწიონ.
"ამ შემზარავმა თავდასხმამ კიდევ ერთხელ აჩვენა ბოროტებისა და ბარბაროსობის სიღრმე, რომელშიც რუსეთის ლიდერი ჩაიძირება. კიდევ ერთხელ, ჩვენი ფიქრები უკრაინაში, უდანაშაულო მსხვერპლთა ოჯახებთან არის. პუტინმა უნდა გააცნობიეროს, რომ მისი საქციელი გააძლიერებს "დიდი შვიდეულის ქვეყნების" გადაწყვეტილებას, დადგეს უკრაინის გვერდით იმდენი ხანი, რამდენიც დასჭირდება", - განაცხადა ჯონსონმა.
შეგახსენებთ, რუსული ძალების მიერ პოლტავას ოლქში, კრემენჩუკის სავაჭრო ცენტრი დაიბომბა, რომელშიც 1000-ზე მეტი ადამიანი იმყოფებოდა. ბოლო მონაცემებით, გარდაცვლილთა რიცხვმა 10-ს მიაღწია, ხოლო დაშავებულთა რიცხვმა კი - 40-ს.
v-if="article.gallery" v-html="article.gallery"
