ხობში სტიქიის სალიკვიდაციო სამუშაოები მიმდინარეობს

ხობის მუნიციპალიტეტის ადმინისტრაციულ ერთეულებში სტიქიის შედეგების სალიკვიდაციო სამუშაოები მიმდინარეობს.

ხობის მუნიციპალიტეტის მერიის ინფორმაციით, ტექნიკის გამოყენებით ქვა-ღორღისგან და ნატანი მასისგან იწმინდება შიდა გზები და სანიაღვრე არხები.

„ქალაქ ხობში, გიორგი ჭყონდიდელის ქუჩაზე მდებარე მრავალბინიანი კორპუსის სარდაფიდან ამოიტუმბა წყალი დო მოირეცხა ეზო.

სალიკვიდაციო სამუშაოებში ჩართულია ხობის მუნიციპალიტეტის მერიის, საგანგებო სიტუაციების მართვის სამსახურის და შპს „ხობის მუნიციპალიტეტის წყალმომარაგების“ წარმომადგენლები.

22-23 ივნისს ხობის მუნიციპალიტეტის ზოგიერთ ადმინისტრაციულ ერთეულში ძლიერი წვიმის შედეგად დაიტბორა ეზოები, სავარგულები, ჩამოირეცხა სასოფლო გზების ნაწილი, წყალი შევიდა რამდენიმე სახლის პირველ სართულზე. ასევე დაიტბორა ქალაქ ხობში საცხოვრებელი კორპუსის სარდაფი“,- ნათქვამია გავრცელებულ ინფორმაციაში.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო