არმაზ ახვლედიანი - ასობით ათასი ადამიანი გაორმაგდება და „ქართული ოცნებისთვის“ ძალიან გვიან იქნება - ამიტომაც აქვთ დარჩენილი საათები - არა დღეები, არამედ საათები იმისთვის, რომ გონს მოვიდნენ

პასუხისმგებლიანი პოლიტიკოსები და ქართველი ხალხი, ვისაც არ გვეშინია და მოგვბეზრდა, ოლიგარქს საქართველოს მოხრჩობას არ შევარჩენთ - ეს ემოცია არ არის! - აღნიშნული განცხადება ჟურნალისტებთან პარლამენტის წევრმა არმაზ ახვლედიანმა გააკეთა.

ახვლედიანის შეფასებით, ხელისუფლების მიმართ ნდობა დაკარგულია, ხოლო „ქართული ოცნების“ დაპირებებს, უტიფარ ტყუილებსა და რეალობას შორის უზარმაზარი უფსკრულია.

„ახლა პარლამენტართა ჯგუფი ნატო-ს საპარლამენტო ასამბლეის დელეგაციას შეხვდა. მეც იქ ვიყავი. გულწრფელად უნდა გითხრათ, რომ დასავლელ პოლიტიკოსებს „ქართული ოცნების“ ტყუილების, ცრუ დაპირებების სულ უფრო და უფრო ნაკლებად სჯერათ. როცა „ქართული ოცნება“ დეპოლარიზაციის აუცილებლობაზე საუბრობს, ჩვენ, ოპოზიციის წარმომადგენლები მათ ვპასუხობთ: - დეპოლარიზაციის ერთადერთი გზა არის დეოლიგარქიზაცია, როდესაც საქართველოს მთავრობის ბატონ-პატრონი ოლიგარქი არ იქნება. დეპოლარიზაციის გზა ნორმალური, სამართლიანი სასამართლო გახლავთ, რომელსაც საქართველო ვერ ეღირსა. „ქართული ოცნების“ წარმომადგენლები უტიფრად საუბრობენ, რომ საქართველოში მედიაგარემო არის თავისუფალი - ჩავიხედოთ საკუთარ გულში და ვთქვათ, რის გამოა დაპატიმრებული კრიტიკული არხის დამფუძნებელი ნიკა გვარამია?!“, - განაცხადა არმაზ ახვლედიანმა.

ახვლედიანის თქმით, იმ პირობებში, როდესაც ხელისუფლების მიმართ ნდობა დაკარგულია, ღრმა კრიზისიდან გამოსვლის გზა არის ნდობით აღჭურვილი მთავრობის შექმნა იმ დროით, რაც შესაძლებელს გახდის საქართველოში ნორმალური, წესიერი, სამართლიანი არჩევნების ჩატარებას და ევროკავშირის მოთხოვნების შესრულებას.

„სხვა შემთხვევაში, 2020 წელს და 2022-ში გამოსული ასობით ათასი ადამიანი გაორმაგდება და „ქართული ოცნებისთვის“ ძალიან გვიან იქნება. ამიტომაც აქვთ დარჩენილი საათები - არა დღეები, არამედ საათები იმისთვის, რომ გონს მოვიდნენ და გააცნობიერონ, რომ სრულად დაკარგული ნდობა შეიძლება ერთადერთი გზით აღდგეს - თუ „ქართული ოცნება“ და გადაწყვეტილების ერთადერთი მიმღები ბიძინა ივანიშვილი გააცნობიერებს, რომ ცეცხლს ეთამაშება და ყველა საჭირო ნაბიჯს გადადგამს იქეთკენ, რომ უპირველესად, ნდობა აღდგეს“, - განაცხადა არმაზ ახვლედიანმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024