გორში, 300 არაგველისა და ქუჩიშვილის ქუჩების რეაბილიტაცია მალე დასრულდება. გორის მერიის ინფორმაციით, ამ ეტაპზე, მიმდინარეობს მოასფალტების სამუშაოები.

პროექტი ითვალისწინებს ტრანსპორტის სავალი ნაწილის, ტროტუარების, ეზოებში შესასვლელებისა და ბორდიურების მოწყობას.

როგორც ინფორმაციაშია აღნიშნული, ორივე ქუჩას, რომლებიც ერთმანეთს უკავშირდება, ორ ათეულ წელზე მეტია რეაბილიტაცია არ ჩატარებია. გზის დაზიანებულ მონაკვეთებზე გადაადგილებისას პრობლემები ექმნებოდა როგორც მძღოლებს, ასევე ფეხით მოსიარულეებსაც. სამუშაოების დასრულების შემდეგ, მოსახლეობას დაზიანებული გზის საფარით გამოწვეული პრობლემები აღარ შეაწუხებს.