ნაფიცმა მსაჯულებმა კიდევ ერთი გამამართლებელი ვერდიქტი ერთხმად მიიღეს

თბილისის იურიდიული დახმარების ბიუროს უფროსმა, სულხან კომახიძემ და ამავე ბიუროს ადვოკატმა, გოგა ბოგვერაძემ, თბილისის საქალაქო სასამართლოში გამართულ ნაფიც მსაჯულთა სასამართლო პროცესზე, თორმეტივე ნაფიცი მსაჯული დაარწმუნეს ბრალდებულ ბ. კ.-ს უდანაშაულობაში და სასამართლო დარბაზიდან გაათავისუფლებინეს. ამის შესახებ ინფორმაციას იურიდიული დახმარების ბიურო ავრცელებს.

მათი ცნობით, ბრალდების მხარემ 2021 წლის დეკემბერში მიმართა თბილისის იურიდიული დახმარების ბიუროს და მოითხოვა ბ. კ.-ს ინტერესების დაცვა (სავალდებულო დაცვა - საქართველოს სისხლის სამართლის საპროცესო კოდექსის 45-ე მუხლის "ზ" ქვეპუნქტის შესაბამისად), რადგან მას ბრალი წარედგინა ისეთი დანაშაულის ჩადენაში, რომელიც ნაფიც მსაჯულთა განსჯადობას განეკუთვნებოდა.

„სახელმწიფო ბრალდება ბ. კ.-ს ბრალს დებდა 2014-2017 წლებში გენდერული ნიშნით, შეუწყნარებლობის მოტივით სისტემატურ ცემაში და სხვაგვარ ძალადობაში, რამაც დაზარალებულის ფსიქიკური და ფიზიკური ტანჯვა გამოიწვია, ჩადენილი წინასწარ შეცნობით ორსული ქალის მიმართ, არასრულწლოვანის თანდასწრებით.

დამნაშავედ ცნობის შემთხვევაში ბ.კ.-ს 4 -დან 6 წლამდე თავისუფლების აღკვეთა ემუქრებოდა.

საზოგადოებრივი ადვოკატები თავიდანვე ჩაერთნენ ბენეფიციარის ინტერესების დაცვის საქმეში. მათ სასამართლოს წარუდგინეს 2 მოწმე, რომლებიც ბრალდების მხარის საწინააღმდეგო ვერსიას ამტკიცებდნენ და გამორიცხავდნენ ბ. კ.-ს მიერ ძალადობრივი ქმედების განხორციელებას.

ბრალდების მხარის მოწმეების, მათ შორის, ფსიქოლოგის კრიტიკული ჯვარედინი დაკითხვის შემდეგ, ადვოკატებმა ნაფიც მსაჯულებს გამამართლებელი ვერდიქტის მიღება მოსთხოვეს.

ნაფიცმა მსაჯულებმა უპრეცედენტოდ მოკლე დროში, ერთხმად მიიღეს გამამართლებელი ვერდიქტი და ბ.კ. უდანაშაულოდ ცნეს წარდგენილ ბრალდებაში.

იურიდიული დახმარების სამსახური სახელმწიფოს ხარჯზე ახორციელებს გადახდისუუნარო და სავალდებულო დაცვას დაქვემდებარებული პირების დაცვას სამართლის სხვადასხვა დარგის მიმართულებით. იურიდიული დახმარების სამსახურის ადვოკატების მონაწილეობით არაერთ საქმეზე გადაწყდა დავა სამსახურის დასაცავი პირის ინტერესების სასარგებლოდ“,- აღნიშნულია გავრცელებულ ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს