გურამ მაჭარაშვილი - არანაირ ანტიევროპულ და ანტიდასავლურ პროცესებზე საუბარი არ ყოფილა, არც ჩვენი ყოფილი კოლეგები და არც ჩვენ ამ საკითხს არ განვიხილავთ

არანაირ ანტიევროპულ და ანტიდასავლურ პროცესებზე საუბარი არ ყოფილა, არც ჩვენი ყოფილი კოლეგები და არც ჩვენ ამ საკითხს არ განვიხილავთ - ევროინტეგრაცია და სიმშვიდე უნდა იყოს ამოსავალი, - ამის შესახებ საპარლამენტო უმრავლესობის წევრმა გურამ მაჭარაშვილმა განაცხადა.

როგორც მან აღნიშნა, მათ განსხვავებული ხედვა აქვთ საზოგადოების ინფორმირების მასშტაბთან დაკავშირებით.

„ჩვენ გვქონდა გარკვეული პოლემიკა, მაგრამ მათი ხედვა ვერ ემთხვევა ჩვენს ხედვას. ჩვენი ხედვა არის ისეთი, რომ „ქართულ ოცნებას“ აქვს დღეს ისეთი პოლიტიკა, რომელიც ერთი მხრივ ემსახურება იმას, რომ ცივილიზებულ სამყაროსთან ერთად უკრაინის მხარდაჭერის პოლიტიკა არსებობდეს და ამავდროულად შენარჩუნებული უნდა იყოს სტაბილურობა და სიმშვიდე.ეს მიზნები აქვს, რა თქმა უნდა, ჩვენს ყოფილ კოლეგებსაც, უბრალოდ მათი ხედვა იმ გზაზე, რა გზებითაც ჩვენ ეს ორი კომპონენტი უნდა გვქონდეს, არის განსხვავებული. დანარჩენ საკითხებზე ისინი თავად ისაუბრებენ. ჩვენი პოზიციაა არის, რომ ჩვენ გვინდა სიმშვიდე და სტაბილურობა, რომ დავაჩქაროთ ევროინტეგრაცია და ევროპა გვინდა იმიტომ, რომ საქართველოში იყოს სტაბილურობა, რადიკალური ოპოზიცია კი სთავაზობს საზოგადოებას, რომ თუ ომი არ იქნება, ისე ევროპაში ვერ შევალთ. არანაირი პრობლემა, რომ საქართველოში სიმშვიდესთან ერთად უნდა იყოს ევროინტეგრაციის დაჩქარებული პროცესი, არ არსებობდა მათი მხრიდან, საუბარია იმაზე, რომ ინფორმირება უნდა იყოს მასშტაბური,“ - განაცხადა მაჭარაშვილმა.

ცნობისათვის, სოზარ სუბარმა, დიმიტრი ხუნდაძემ და მიხეილ ყაველაშვილმა ქართული ოცნება“ დატოვეს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024