„სტრატეგია აღმაშენებლის“ ლიდერებსა და ევროპარლამენტარ ბარტ გრუტს შორის კიბერუსაფრთხოებისა და რუსული პროპაგანდის საკითხზე შეხვედრა გაიმართა

ბრიუსელში „სტრატეგია აღმაშენებლის“ ლიდერებსა და ევროპარლამენტარ ბარტ გრუტს შორის კიბერუსაფრთხოებისა და რუსული პროპაგანდის საკითხზე შეხვედრა გაიმართა.

პარტიის მიერ გავრცელებული ინფორმაციით, “სტრატეგია აღმაშენებლის” ლიდერები ბრიუსელში შეხვედრებს აგრძელებენ. ევროპარლამენტის წევრს, ბარტ გრუტს გიორგი ვაშაძე და სერგო ჩიხლაძე შეხვდნენ.

პარტიის ცნობით, შეხვედრის ძირითადი თემა შეეხებოდა კიბერუსაფრთხოებას, რუსულ პროპაგანდას და რუსული პროპაგანდის გავლენებს საქართველოსა და რეგიონში. შეხვედრაზე “სტრატეგია აღმაშენებელმა” დააყენა საკითხი, რომ აუცილებელია ევროპარლამენტის უსაფრთხოების კომიტეტის და ქვეკომიტეტების ჩართულობა გაიზარდოს საქართველოსთან მიმართებით.

“შევხვდით ევროპარლამენტის წევრს, ბარტ გრუტისს. შეხვედრის ძირითადი თემა იყო კიბერუსაფრთხოება, რუსული პროპაგანდა და რუსული პროპაგანდის გავლენები საქართველოსა და რეგიონში. ვისაუბრეთ იმაზე, თუ რა უნდა დავუპირისპიროთ ამ ჰიბრიდულ ომს, რუსულ პროპაგანდას და რა ნაბიჯებია გადასადგმელი. ჩვენი მხრიდან დავაყენეთ საკითხი, რომ აუცილებელია ევროპარლამენტის უსაფრთხოების კომიტეტის და ქვეკომიტეტების ჩართულობა გაიზარდოს საქართველოსთან მიმართებით, რომ უფრო ეფექტური რეაგირება მოვახდინოთ”, - განაცხადა სერგო ჩიხლაძემ.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 16.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
სავაჭრო ცენტრ „იდეალის” ახალი ფილიალი გაიხსნა
ქართული ბანკების სიმყარეს კაპიტალის, რეზერვების და ლიკვიდურობის მაღალი დონე განაპირობებს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება