კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული

პარტია „პროგრესი და თავისუფლებას“ ლიდერი კახა ოქრიაშვილი განცხადებას ავრცელებს, რომელსაც „ინტერპრესნიუსი" უცვლელად გთავაზობთ:

28 ივნისს, ივანიშვილმა გამოყო ქართველი ხალხის დასავლური მისწრაფებების მაგინებელი „ყაველაშვილის ტრიო“. მათი პირველივე განცხადებები, რომ საქართველოს კანდიდატის სტატუსს 6 თვეშიც არ მიანიჭებენ და თურმე, ვიღაც ითხოვს საქართველოსგან ომში ჩართვას, პირდაპირ მიანიშნებს იმაზე, რომ ივანიშვილი ევროკავშირის მიერ მოთხოვნილი რეფორმების 12 პუნქტიდან არცერთის შესრულებას არ აპირებს. მას გეზი რუსეთისკენ უჭირავს და ერთადერთი, ვისაც ომი აწყობს საქართველოში, არის სწორედ ივანიშვილი, რათა შეინარჩუნოს ხელისუფლება და სიმდიდრე.

ეს არის მორიგი თაღლითური ტრიუკი, როგორც თვითონ უყვარს ხოლმე თქმა, მაგრამ ტრიუკები მოუძველდა.

არც ისე რთულია გამოცნობა, რომ „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული: 1. „ოცნების“ უმრავლესობის მართული დაშლა და რიგგარეშე არჩევნების დანიშვნა, 30 მაჟორიტარი დეპუტატის შენარჩუნებით, ანუ არსებული საარჩევნო სისტემით. 2. ევროკავშირის მიერ მოთხოვნილი 12-პუნქტიანი რეფორმების ჩაგდება/არმიღება.

მხოლოდ რუსეთს სურს ომი საქართველოში და ოლიგარქი ივანიშვილი მისი დირექტივებით მოქმედებს. ქართველმა ხალხმა, სამოქალაქო საზოგადოებამ და ოპოზიციამ უნდა გამოვიჩინოთ სიბრძნე, მოთმინება, სიმშვიდე და არანაირი ომი საქართველოში არ იქნება!

3 ივლისს, რუსთაველზე, ვაჩვენოთ ხალხის კონსტრუქციული, მშვიდობიანი ძალა დესტრუქციულ ოლიგარქს! - აცხადებს კახა ოქრიაშვილი.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი