„ვენდისსა“ და „დანკინში“ „დორას“ „მამალოები“ უკვე წარმატებით იყიდება

“ვენდისსა“ და „დანკინში“ „დორას“ ჯოხიანი კანფეტების გამოჩენა საერთაშორისო მეგაშოუ „შარქ თენქში“ მონაწილე გიორგი შეშაბერიძის მხარდაჭერას მოყვა, რომელიც შოუს ერთ-ერთმა „შარქმა“ და „ვისოლ ჯგუფის“ პრეზიდენტმა სოსო ფხაკაძემ 14 წლის დამწყებ ბიზნესმენს გაუწია.

„დორა“ ჯოხიანი კანფეტების მწარმოებელი ქართული კომპანიაა, რომელიც გიორგი შეშაბერიძემ 9 წლის ასაკში, 2017 წელს დააფუძნა. „დორა“ ამჟამად, რამოდენიმე ათეულ მაღაზიას ამარაგებს და 4 სადისტრიბუციო კომპანიასთან თანამშრომლობს.

მაისის თვიდან კი „დორა“-ს პროდუქცია „დანკინისა“ და „ვენდის“ ამერიკულ რესტორნებშიც იყიდება თითქმის უკვე ყველა ობიექტზე მთელი საქართველოს მასშტაბით.

აღსანიშნავია, რომ „დორა“-ს დებიუტი „დანკინისა“ და „ვენდის“ რესტორნებში საკმაოდ წარმატებული აღმოჩნდა, რაზეც მზარდი გაყიდვები მეტყველებს.

„ეს საქმე ნული გამოცდილებით დავიწყე, „შარქ თენქში“ მონაწილეობა იმიტომაც გადავწყვიტე, რომ შემეძინა ახალი გამოცდილება და მემუშავა ისეთ პროფესიონალებთან ერთად, როგორებიც „შარქები“ არიან. ჩემი მოლოდინი იყო, რომ ერთ-ერთი მაინც გამოყვებოდა ჩემს ბიზნეს შეთავაზებას, მაგრამ მომხდარმა მოლოდინს გადააჭარბა – ხუთივე შარქი გამომყვა და 150,000-ლარიანი ინვესტიცია მოვიზიდე. „ვენდისა“ და „დანკინში“ „დორას“ გამოჩენა კი კომპანიისთვის ახალი უნიკალური შესაძლებლობაა და მეამაყება, რომ ლეგენდარულ ამერიკული ბრენდების რესტორნებში ქართული ჯოხიანი კამფეტები უკვე წარმატებით იყიდება. ეს ჩემი ბიზნესის თვისებრივად ახალ ეტაპზე გადაყვანას ნიშნავს და ძალიან მადლობელი ვარ, რომ ეს შესაძლებლობა მომეცა. ჩემი იდეის კონკურენტული უპირატესობა არის ის, რომ ნებისმიერი სირთულის კამფეტს ვაწარმოებთ, მაგალითად: ფოტო კანფეტი, გამომშრალი ხილით ღვინის კამფეტი, კანფეტი ჟელიბონით და ა.შ.

„დანკინისა“ და „ვენდის“ კორპორაციული ფერებიც კი გავითვალისწინეთ“,- აცხადებს „დორას“ დამფუძნებელი გიორგი შეშაბერიძე.

საერთაშორისო მეგაშოუ „შარქ თენქის“ გამოჩენით, 2021 წელს, ქართულ ბიზნეს-ეკოსისტემაში ახალი ერა დაიწყო. სატელევიზიო გადაცემა, ერთის მხრივ, პერსპექტიული ბიზნესიდეების აღმოჩენასა და განვითარებას ემსახურება, მეორეს მხრივ კი, მაყურებელს საკუთარი შესაძლებლობების გადააზრებაში ეხმარება და საკუთარი საოცნებო საქმის დაწყებისკენ უბიძგებს.

დამატებითი ინფორმაციისთვის მოგვმართეთ:

რუსუდან კბილაშვილი

საზოგადოებასთან ურთიერთობისა და კორპორაციული სოციალური პასუხისმგებლობის სამსახუის ხელმძღვანელი

ვისოლ ჯგუფი

ტელ: (995 32) 915 315/250 / ფაქსი: (995 32) 915 615 / მობ: (995 99) 320412/Email: pr@wissol.ge

(R)

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა