აჩხოტი-სნო-ახალციხე-ჯუთას გზის გარკვეულ მონაკვეთზე ავტოტრანსპორტის მოძრაობა აკრძალულია.

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, აჩხოტი-სნო-ახალციხე-ჯუთას საავტომობილო გზის კმ12-კმ16 მონაკვეთზე, მომატებული ბზარების და ქვისცვენის გამო, არსებობს გზის სავალი ნაწილის დაზიანების საშიშროება.

მათივე ცნობით, შესაბამისი ღონისძიებების გატარებამდე, გზის აღნიშნულ მონაკვეთზე აკრძალულია ყველა სახის ავტოტრანსპორტის გადაადგილება.