რუსეთმა ბრიტანეთის ელჩი "შეურაცხმყოფელი" კომენტარების გამო საგარეო საქმეთა სამინისტროში დაიბარა

რუსეთმა დიდი ბრიტანეთის ელჩი დებორა ბრონერტი საგარეო საქმეთა სამინისტროში "შეურაცხმყოფელი" კომენტარებისა და ბირთვული იარაღის გამოყენების შესახებ "განზრახ ცრუ ინფორმაციის" გავრცელების გამო დაიბარა.

ლავროვის უწყებამ დღეს განაცხადა, რომ ელჩ დებორა ბრონერტთან "ძლიერი პროტესტი" გამოხატეს ბრიტანეთის ხელმძღვანელობის მიერ რუსეთის, მისი ლიდერისა და ხელისუფლების ოფიციალური წარმომადგენლების, ისევე როგორც რუსი ხალხის მიმართ უხეში განცხადებების გამო.

ელჩს მემორანდუმი გადასცეს, რომელშიც აღნიშნულია, რომ "დიდი ბრიტანეთის ხელისუფლების წარმომადგენლების შეურაცხმყოფელი რიტორიკა მიუღებელია" და "ზრდილობიან საზოგადოებაში, ჩვეულებაა, რომ ასეთი განცხადებებისთვის ბოდიში მოიხადონ”.