პეტრე ცისკარიშვილს, გიორგი ბოტკოველსა და თემურ ჯანაშიას თელავის საკრებულოს „ქართული ოცნების“ წევრები დაუპირისპირდნენ

თელავის მუნიციპალიტეტში მოძრაობა „შინ ევროპისკენ” წარმომადგენლებსა და მუნიციპალიტეტის საკრებულოს „ქართული ოცნების“ წევრებს შორის სიტყვიერი დაპირისპირება მოხდა.

თელავის მუნიციპალიტეტში ჩასული „ნაციონალური მოძრაობის“ წევრები თემურ ჯანაშია, გიორგი ბოტკოველი და პეტრე ცისკარიშვილი ევროკავშირის შესახებ საინფორმაციო ფლაერებს არიგებდნენ, რა დროსაც ადგილზე საკრებულოს წევრები გამოჩნდნენ და პარტიის წევრებს გარკვეული შეკითხვებით მიმართეს.

„ვაპროტესტებთ ამ ქაოსს და ყველაფერს რასაც სჩადიან. ცხვრის ტყავში გადაცმული ხალხის მოტყუება და „დაბოლება“ რა არის? ყველა ერთი ქვეყნის შვილები ვართ და ვთქვათ ის, რაც არის, ვინ რას აკეთებდა და ვის უკან ვინ აღმოჩნდა, კარგად გამოჩნდა“, - აღნიშნა საკრებულოს წევრმა ზურაბ მუსაევმა.

თავის მხრივ პეტრე ცისკარიშვილის განცხადებით, ქვეყანაში პოლარიზაციას მმართველი გუნდი ქმნის, „ოპოზიცია კი თავის საქმეს ასრულებს“.

„მოსახლეობას ვაცნობთ, რას ნიშნავს ევროკავშირის წევრობა და ევროპასთან დაკავშირებულ სიკეთეს, ასევე ვაცნობთ რას ნიშნავს „ქოციანობა“. „ნაციონალური მოძრაობის“ დროს მოხდა ჭაობიდან ქვეყნის ამოყვანა. პოლარიზაციას ქმნის მხოლოდ მთავრობა და ხელისუფლება, ოპოზიცია პოლარიზაციას არ ქმნის, თავის საქმეს აკეთებს“, - აღნიშნა პეტრე ცისკარიშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს