„ლელოს“ ლიდერები და მხარდამჭერები ოპერის თეატრის მიმდებარე ტერიტორიიდან პარლამენტამდე მსვლელობით მიემართებიან
„ლელო საქართველოსთვის“ წარმომადგენლები ოპერისა და ბალეტის თეატრის მიმდებარე ტერიტორიიდან პარლამენტამდე მსვლელობით მიემართებიან.
მსვლელობის მონაწილეებმა ევროკავშირის დიდი ზომის დროშა გაშალეს.
პარტიის ლიდერებთან ერთად აღნიშნულ მსვლელობას რეგიონული ორგანიზაციების წარმომადგენლები მიჰყვებიან.
„ლელოს“ წარმომადგენლები რუსთაველის გამზირზე მიმდინარე აქციას „შინ ევროპისკენ“ შეუერთდებიან. აქცია "შინ ევროპისკენ", რომელიც სამოქალაქო საზოგადოების ორგანიზებით ტარდება, 20:00 საათზე დაიწყება. ორგანიზატორებმა 24 ივნისს გამართულ აქციაზე პრემიერ-მინისტრის, ირაკლი ღარიბაშვილის გადადგომა და ეროვნული თანხმობის მთავრობის შექმნა მოითხოვეს, რისთვისაც ხელისუფლებას ერთკვირიანი ვადა მისცეს, რომელიც დღეს იწურება.
როგორც ცნობილია, აქციის ორგანიზატორების გადაწყვეტილებით, ისინი დღეს ღამით პარლამენტის ტერიტორიაზე დარჩენას გეგმავენ.
v-if="article.gallery" v-html="article.gallery"
