ზურაბ აბაშიძე ევროპის გაფართოების დღისადმი მიძღვნილ კონფერენციაში მონაწილეობს

თბილისის საკრებულოს თავმჯდომარის მოადგილე ზურაბ აბაშიძე, მონაწილეობას იღებს ევროპის რეგიონთა კომიტეტის აღმოსავლეთ პარტნიორობის კონფერენციის (CORLEAP) დელეგაციის ხელმძღვანელის სტატუსით, ბრიუსელში, ევროპის გაფართოების დღისადმი მიძღვნილ კონფერენციაში, რომელიც პარალელურ რეჟიმში მიმდინარე რამდენიმე პლენარულ სესიად იყოფა და ძირითადი აქცენტები საქართველოს, უკრაინისა და მოლდოვას ევროპულ პერსპექტივებზე და ქვეყნებში ამ მიმართულებით არსებული გამოწვევების დაძლევის გზებზე მსჯელობას დაეთმობა.

თბილისის საკრებულოს ინფორმაციით, აღსანიშნავია, რომ კონფერენციის მსვლელობისას, დაგეგმილია დებატები, რომლებშიც ზურაბ აბაშიძე, კიევისა და სელემეტის მერებთან - ვიტალი კლიჩკოსა და ტატიანა ბადანთან, ასევე ზალცბურგის სახელმწიფო პარლამენტის წარმომადგენელ, ფრანც შაუსბერგერთან და უკრაინის მხარდამჭერი ჯგუფის ხელმძღვანელ, გეორგ ზიგლერთან ერთად, ჩაერთვება.

მათივე ცნობით, ორდღიან შეხვედრაზე დამსწრე საზოგადოება ახალგაზრდობის ევროპული წლის ფარგლებში მიმდინარე და განსახორციელებელ პროექტებზეც იმსჯელებს და საქართველოში, უკრაინასა და მოლდოვას რესპუბლიკაში მცხოვრები ახალგაზრდებისთვის ევროპული პროგრამების ხელმისაწვდომობაზე ორიენტირებულ პროგრამებს განიხილავს.

ამასთან ინფორმაციაში აღნიშნულია, რომ ევროკომისიის გადაწყვეტილებით, 2022 წელი ახალგაზრდობის ევროპულ წლად გამოცხადდა და შესაბამისად, წელს დაგეგმილი ღონისძიებები ევროპელი ახალგაზრდების საჭიროებებისა და მათ წინაშე არსებული გამოწვევების გათვალისწინებით განხორციელდება.

ევროპის გაფართოების დღისადმი მიძღვნილი კონფერენცია, რომელიც 6-7 ივლისს ჩატარდება, ჰიბრიდულ რეჟიმში წარიმართება.

ვაჟა ბერიძე - სამოქალაქო დაპირისპირება რეალურია, რაშიც ხელისუფლებაც და ოპოზიციაც თანაბრადაა დამნაშავე
პოლიტიკა ბიზნესის წინააღმდეგ ანუ რა არის მთავარი პრობლემა ქართულ ტელემედიაში?!
ქართული პრესის მიმოხილვა 27.03.2023
კახა ოქრიაშვილი ჯანდაცვის სამინისტროს განცხადებაზე - ვეცადე, რბილი ვყოფილიყავი ჩემს შეფასებებში
Jeep-ის და Alfa Romeo-ს ცენტრში განსაკუთრებული აქცია დაიწყო
კრიპტოვალუტის შეძენა უკვე ფეიბოქსებშია შესაძლებელი
NCURA-ს „სამხრეთ კავკასიის და უკრაინის ინიციატივა“ BTU-ში განხორციელდება
ქართული ღვინის ახალი სიტყვა თანამედროვე ორგანულ ბაზარზე
ონკოლოგიური და ძვირადღირებული მედიკამენტების მომსახურება PSP-სთვის მომგებიანი არასდროს ყოფილა