გორის მუნიციპალიტეტში გზების რეაბილიტაცია გრძელდება. გორის მერიის ინფორმაციით, ქვახვრელში, სკოლასთან და საბავშვო ბაღთან მისასვლელი გზის რეაბილიტაცია მიმდინარეობს.

„ამ ეტაპზე ხორციელდება სანიაღვრე სისტემის მოწყობა. სარეაბილიტაციო მონაკვეთი, რომლის სიგრძეც 881 მეტრია, მჭიდროდ დასახლებულ ტერიტორიაზე მდებარეობს.

ტრანსპორტის სავალ ნაწილთან ერთად, რეაბილიტირდება მიერთებებიც და ეზოებში შესასვლელებიც.

სამუშაოების დასრულების შემდეგ, მოსახლეობას დაზიანებული გზის საფარით გამოწვეული პრობლემები აღარ შეაწუხებს“, - ნათქვამია გავრცელებულ ინფორმაციაში.