მარნეულის მუნიციპალიტეტის კულტურის ცენტრში, ა(ა)იპ „დემოსის“ ორგანიზებით, ქართული ტრადიციული სიმღერის კონკურს-ფესტივალი „სხვა საქართველო სად არის“ დახურვისა და დაჯილდოების ცერემონია გაიმართა. ინფორმაციას ამის შესახებ მარნეულის მერია ავრცელებს.

მათივე ცნობით, ღონისძიებას ცენტრალური და ადგილობრივი ხელისუფლების წარმომადგენლები დაესწრნენ.

ფესტივალი უკვე 6 წელია, ქვემო ქართლში სახელმწიფო რწმუნებულის ადმინისტრაციისა და მარნეულის მუნიციპალიტეტის მერიის მხარდაჭერით ტრადიციულად, ივნისის თვეში, მარნეულში იმართება.

კონკურს - ფესტივალის მიზანს ქართული ტრადიციული სასიმღერო კულტურის შესწავლა - პოპულარიზაცია წარმოადგენს, როგორც ქართველ, ისე საქართველოში მცხოვრები ეთნიკური უმცირესობების წარმომადგენელ მოზარდებში.