აჭარის უმაღლეს საბჭოში პოლონეთის ქვემო სილეზიის 25-კაციან დელეგაციას უმასპინძლეს

აჭარას, ერთკვირიანი სამუშაო ვიზიტით, პოლონეთის ქვემო სილეზიის დელეგაცია ეწვია სეიმიკის ვიცე-მარშლის მარცინ კრჟანოვსკის მეთაურობით. აჭარის უმაღლესი საბჭოს მიერ გავრცელებული ინფორმაციით, 25-კაციან დელეგაციას, რომლის შემადგენლობაში ქვემო სილეზიის სეიმიკის წევრები, მეწარმეები, მეღვინეები და მედიის წარმომადგენლები არიან, აჭარის უმაღლეს საბჭოში უმასპინძლეს.

„დელეგაციის სრულ შემადგენლობასთან შეხვედრამდე, ქვემო სილეზიელ კანონმდებლებს მიღება გაუმართა აჭარის უმაღლესი საბჭოს თავმჯდომარემ - დავით გაბაიძემ. მიღებაზე, რომელსაც უმაღლესი საბჭოს თავმჯდომარის მოადგილე - ტიტე აროშიძე, აპარატის ხელმძღვანელი - ზურაბ ჭურკვეიძე ესწრებოდნენ, მხარეებმა ორი ქვეყნის რეგიონებს შორის თანამშრომლობისა და სამომავლო ურთიერთობების საკითხები განიხილეს. მიღების შემდეგ, დელეგაციისა და აჭარის უმაღლესი საბჭოს წევრებს შორის შეხვედრა გაიმართა, რომელსაც საქართველოს პარლამენტის წევრი - რესან კონცელიძე ესწრებოდა.

დავით გაბაიძემ სტუმრებს მადლობა გადაუხადა ორ ქვეყანას შორის მრავალმხრივი თანამშრომლობის განვითარებისთვის და იმედი გამოთქვა, რომ მჭიდრო ურთიერთობები კიდევ არაერთ სფეროს, მათ შორის - მეღვინეობის მიმართულებასაც მოიცავს. თანამშრომლობის სპექტრის გაზრდის აუცილებლობაზე ისაუბრეს პოლონელმა სტუმრებმაც. ქვემო სილეზიის სეიმიკის ვიცე-მარშალმა - მარცინ კრჟანოვსკიმ, სეიმიკის თავმჯდომარის მოადგილემ - ანჟეი კრადკოვსკიმ, დელეგაციის სხვა წევრებმა. აჭარის უმაღლესი საბჭოს თავმჯდომარის მოადგილემ ტიტე აროშიძემ, დამოუკიდებელმა დეპუტატმა ირაკლი ჩავლეიშვილმა იმედი გამოთქვეს, რომ ვიზიტი ნაყოფიერი აღმოჩნდება პოლონელი მეღვინე-მეწარმეებისთვის, რომლებიც ღვინის სამშობლოში დამკვიდრებულ და საუკუნეების განმავლობაში დაგროვილ უდიდეს გამოცდილებას გაიზიარებენ“, - ნათქვამია გავრცელებულ ინფორმაციაში.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა