ბორის ჯონსონი - არ ვაპირებ უარვყო, რომ ალექსანდრე ლებედევს შევხვდი

დიდი ბრიტანეთის პრემიერ-მინისტრმა ბორის ჯონსონმა დეპუტატებთან აღიარა, რომ საგარეო საქმეთა მინისტრობის დროს, ის კა-გე-ბე-ს ყოფილ აგენტს, ალექსანდრე ლებედევს, ოფიციალური პირების თანხლების გარეშე შეხვდა.

„მე უდავოდ შევხვდი იმ ჯენტლმენს, რომელიც ადრე გამოცემა London Evening Standard-ის მფლობელი იყო, როდესაც მე ლონდონის მერი ვიყავი. რა თქმა უნდა, არ ვაპირებ უარვყო, რომ ალექსანდრე ლებედევს შევხვდი. მე ნამდვილად შევხვდი მას ოფიციალური პირების გარეშე. მას სულ რამდენჯერმე შევხვდი. იმ შეხვედრის დროს, რომელსაც თქვენ ახსენებთ, ვიყავი თუ არა საგარეო საქმეთა მინისტრი, დიახ, ვიყავი“, - უპასუხა ჯონსონმა პარლამენტის ერთ-ერთი წევრის კითხვას, შეხვდა თუ არა ის, 2018 წლის 28 აპრილს, ლებედევს ოფიციალური პირების გარეშე.