საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი შიდასახელმწიფოებრივი მნიშვნელობის შულავერი-შაუმიანი-სიონი-წერაქვის საავტომობილო გზის 6 კმ-იანი მონაკვეთის სარეაბილიტაციო სამუშაოებს ახორციელებს.
საავტომობილო გზების დეპარტამენტის ინფორმაციით, სარეაბილიტაციო გზა მარნეულის მუნიციპალიტეტში მდებარეობს. პროექტი მარნეულში, კოსტავას ქუჩიდან იწყება და სოფელ შულავერის ტერიტორიაზე გადის. გზის მიდებარედ უმეტესად ეთნიკური უმცირესობის წარმომადგენლებიც ხოვრობენ.
„არსებული გზა ძლიერ დაზიანებული იყო, ავტოტრანსპორტის გადაადგილება წვიმიან ამინდში რთულდებოდა და რეაბილიტაციას სასწრაფოდ საჭიროებდა.
რეაბილიტაციის პროექტი გზის ტექნიკური პარამეტრების გაუმჯობესებას ითვალისწინებს. კერძოდ, საგზაო სამოსის რეაბილიტაციას, კიუვეტებისა და არსებული ხელოვნური ნაგებობების შეკეთებას და ახლების მოწყობას. ადგილობრივ გზებთან მიერთებების, მოსახლეობის ეზოებში შესასვლელების, ავტობუსის გასაჩერებელი ადგილების მოწყობას. ასევე, გზის სავალი ნაწილის მონიშვნას და საგზაო ნიშნების მონტაჟს.
პროექტი სახელმწიფო ბიუჯეტიდან ფინანსდება და მისი ღირებულება 3 143 970 ლარია. სამუშაოები მიმდინარე წლის აგვისტოში დასრულდება“, - აღნიშნულია გავრცელებულ ინფორმაციაში.