პრემიერ - მინისტრის ინიციატივით დაწყებული სახელმწიფო პროგრამა „განახლებული რეგიონების“ ფარგლებში, ლენტეხის მუნიციპალიტეტში სარეაბილიტაციო სამუშაოები აქტიურად მიმდინარეობს.
ლენტეხის მერიის ცნობით, მიმდინარე სამუშაოები მუნიციპალიტეტის მერმა, გია ონიანმა და მერის მოადგილემ, ბერდია ჩანქსელიანმა დაათვალიერა.
მათივე ინფორმაციით, პროგრამით დაფინანსებული პროექტების ფარგლებში, ლენტეხის მუნიციპალიტეტში თამარ მეფის ქუჩაზე გარე ფასადების რეაბილიტაცია ჩატარდა, გამოიცვალა შენობების კარ-ფანჯრები, ჩატარდა ქუჩების, ტროტუარების გამწვანებისა და მოპირკეთება-მოწყობის სამუშაოები. სამუშაოები ეტაპობრივად მიმდინარეობს. თამარ მეფის ქუჩის სამუშაოების დასრულების შემდეგ, სტალინის ქუჩის კეთილმოწყობა განხორციელდება.
4-წლიანი პროგრამა, რომელიც 63 მუნიციპალიტეტში ხორციელდება, რეგიონების ურბანულ განახლებას ითვალისწინებს, რაც სახელმწიფოს, მუნიციპალიტეტების და კერძო საკუთრებაში არსებული მნიშვნელოვანი ობიექტის განვითარებას გულისხმობს.