გარდაბნის მერი, ნინო წილოსანთან და ადგილობრივი ხელისუფლების წარმომადგენლებთან ერთად, საწარმოებისა და კოოპერატივების წარმომადგენლებს შეხვდა
გარდაბნის მუნიციპალიტეტის მერი დავით კარგარეთელი და პარლამენტის აგრარული კომიტეტის თავმჯდომარე ნინო წილოსანი, ადგილობრივი ხელისუფლების ხელმძღვანელ პირებთან ერთად, გარდაბანში აგრარული მიმართულებით მომუშავე საწარმოების ხელმძღვანელებსა და კოოპერატივების წარმომადგენლებს შეხვდა. ინფორმაციას ამის შესახებ გარდაბნის მუნიციპალიტეტის მერია ავრცელებს.
მათივე ცნობით, აგრარული კომიტეტის თავმჯდომარე, მუნიციპალიტეტში ხალიჩების წარმოების, მცირე ტიპის საწარმოს ესტუმრა და დასაქმებულთა სამუშაო პირობებს ადგილზე გაეცნო.
მუნიციპალიტეტში ვიზიტის ფარგლებში, ნინო წილოსანი ასევე, მაღალტექნოლოგიური საწარმოს მუშაობას გაეცნო. ადგილზე კომპანია „პლანტას“ პროდუქცია დაათვალიერა, რომლითაც საქართველოს და ევროპის ბაზარი მარაგდება.
