გორის მუნიციპალიტეტის მერის, ვლადიმერ ხინჩეგაშვილის ინიციატივით, გორის მუნიციპალიტეტში მცხოვრები ახალგაზრდებისთვის ბაკურიანში „საზაფხულო ბანაკი 2022“ იხსნება. ინფორმაციას ამის შესახებ გორის მერია ავრცელებს.
მათივე ცნობით, ბაკურიანში 200-მდე ახალგაზრდა გაემგზავრება.
პროექტში მონაწილეობას გორის მუნიციპალიტეტის საჯარო და კერძო სკოლების 2021-2022 სასწავლო წლის კურსდამთავრებულები, გორის მუნიციპალიტეტის საჯარო და კერძო სკოლების მე-12 კლასელები, გორის სახელმწიფო სასწავლო უნივერსიტეტის სტუდენტები შეძლებენ.
„მსურველებმა სააპლიკაციო ფორმა უნდა შეავსონ ბმულზე: https://docs.google.com/.../1FAIpQLScng2Qk4g14rP.../viewform
ბენეფიციართა შერჩევა ორ ეტაპად მოხდება: დოკუმენტაციის გადარჩევა და გასაუბრება.
ბანაკის წევრებს ტრენინგები შემდეგი თემების შესახებ ჩაუტარდებათ: სტრესის მართვა ეფექტური კომუნიკაცია, სამოქალაქო აქტივიზმი და მისი ფორმები, ადგილობრივი თვითმმართველობა და ამომრჩეველი, ადგილობრივი პრობლემების ანალიზი და ადვოკატირება.
გარდა ამისა, პროექტის ფარგლებში დაგეგმილია სხვადასხვა შემეცნებითი, კულტურული, სპორტული და გასართობი აქტივობებიც.
თითოეულ ნაკადზე ბაკურიანში 50 ახალგაზრდა გაემგზავრება. ისინი საზაფხულო ბანაკში 4 სრული დღე დარჩებიან.
პროექტი ადგილობრივი ბიუჯეტიდან ფინანსდება“,- აღნიშნულია გორის მერიის მიერ გავრცელებულ ინფორმაციაში.