ირაკლი კობახიძემ ბრიყვული განცხადება გააკეთა, რადგან ევროინტეგრაციის პროცესი უნდა წარმართოს სწორედ მთავრობამ, ამიტომ, პოლიტიკური პასუხისმგებლობა ეკისრება მმართველ გუნდს, -ამის შესახებ "ლელოს" დეპუტატმა სალომე სამადაშვილმა განაცხადა.

მისი თქმით, ოპოზიცია პროცესს საბოტაჟს ვერ გაუწევს.

„პოლიტიკური პასუხისმგებლობა ეკისრება მმართველ გუნდს, რომელსაც სრული კონტროლი აქვს ყველა ინსტიტუციაზე, მათ შორის პარლამენტში უმრავლესობა, რომ განახორციელოს ყველა ის ნაბიჯი, რაც საჭიროა ევროკავშირის მოთხოვნების იმპლემენტაციისთვის. ოპოზიციას რომც უნდოდეს, საბოტაჟს ვერ გაუწევს ამ პროცესს. ამიტომ, მმართველი პარტიის თავმჯდომარემ ბრიყვული განცხადება გააკეთა",- აღნიშნა სამადაშვილმა.

ცნობისათვის, ირაკლი კობახიძემ განაცხადა, რომ ოპოზიცია შარშან პარლამენტისა და სახელმწიფო ინსტიტუტების საბოტაჟის რეჟიმში იყო, დღეს კი უკვე ევროინტეგრაციის საბოტაჟის რეჟიმშია.