თორნიკე შარაშენიძე - მე არ მესმის ოპოზიციის ნაწილის დამოკიდებულების, ამას მშვენივრად დაიხვევს ხელზე „ქართული ოცნება“

მე არ მესმის ოპოზიციის ნაწილის დამოკიდებულების, ამას მშვენივრად დაიხვევს ხელზე „ქართული ოცნება“, - ასე აფასებს ექსპერტი თორნიკე შარაშენიძე „პალიტრანიუსის“ გადაცემა „რეზიუმეში“ ოპოზიციის მიერ უარის თქმას „ქართული ოცნების“ შეთავაზებაზე, მონაწილეობა მიიღონ კომისიებსა და სამუშაო ჯგუფებში.

თორნიკე შარაშენიძის შეფასებით, თუ ოპოზიციას იმის იმედი აქვს, რომ რევოლუციას მოახდენს, ეს არ მოხდება, რადგან საქართველო 2003 წლის დროინდელი ქვეყანა აღარ არის.

„ამას მშვენივრად დაიხვევს ხელზე „ქართული ოცნება“, რადგან პირველი პუნქტია თან დეპოლარიზაცია, იტყვიან, რომ სულ პირველი, ყველაზე მნიშვნელოვანი ეს არის და ამაში ოპოზიცია არ გვიწყობს ხელს. მე არ მესმის ოპოზიციის ნაწილის დამოკიდებულების, ნუთუ ამას ვერ ხვდებიან? თუ იმის იმედი აქვთ, რომ 6 თვეში, როცა დიდი შანსია რომ კანდიდატობა ისევ არ მოგვცენ, გამოვარდებიან და დაამხობენ ამ ხელისუფლებას? არ მოხდება ეს დარწმუნებული ვარ. აღარ არის ეს ის ქვეყანა, რომ გამოხვიდე, შეაშინო ხელისუფლება და გააქციო სახლში. 20 ივნისს მერე რომ იყო ხალხი რით დამთავრდა? არც არაფრით. ეს ხომ არ არის 2003 წელი, მაშინ იყო უნიკალური სიტუაცია.

ბოლო-ბოლო სიმართლეს გამოიტან, „ქოცი“ თუ საქმეს აფუჭებს, გამოხვალ და იტყვი, რომ მოღალატეა, საქმეს აფუჭებს, სპეციალურად აკეთებენ საბოტაჟს, რომ ევროკავშირში არ შევიდეთ. ოღონდ ამას საბუთებით ლაპარაკი სჭირდება“, - განაცხადა თორნიკე შარაშენიძემ.

თორნიკე შარაშანიძის განცხადებით, ხელისუფლების მთავარი გათვლა საკუთარი ამომრჩევლის „ძირითადი ბირთვის შენარჩუნებაა“.

„ოცნების“ მთავარი გათვლაა, ამომრჩევლის ძირითადი ბირთვის არ დაკარგვა. ამომრჩევლის ძირითადი ბირთვისა და პლუს ადმინისტრაციული რესურსის წყალობით, ავად თუ კარგად, არჩევნების მოგების ზღვარზე არიან მით უმეტეს არსებული სისტემით, მაჟორიტარებიანად. მათი მთავარი თამაში არის ეს, ხელისუფლებაში დარჩენა და ამისთვის მთავარი არის, რომ ამომრჩეველი ჰყავდეს დარწმუნებული და ეს „მესიჯი", ომში არ ჩაბმის, მშვენივრად მუშაობს, მათ შორის იმის წყალობით, რომ ოპოზიციამ საღლიცინოდ აქცია ეს თემა, ოხუნჯობებში ერთმანეთს ეჯიბრებოდნენ და ხალხს მართლა ეშინია ომის და დიდი ნაწილი ვერ მიხვდა ამას, გვიან გაიაზრეს ვიღაც- ვიღაცებმა“, - განაცხადა თორნიკე შარაშენიძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი